रायपुर, मुख्यमंत्री श्री भूपेश बघेल ह अपहरणकर्ता मन के चंगुल ले सकुशल वापस लहुटे रायपुर के व्यवसायी श्री प्रवीण सोमानी ल बधाई अऊ शुभकामना दिए हें। श्री सोमानी ह अपन परिवार के संग आज बिहनिया मुख्यमंत्री श्री बघेल ले इहां ऊंखर निवास म सौजन्य मुलाकात करिस। श्री सोमानी ह मुख्यमंत्री कोति ले ये कठिन दौर म उंखर सकुशल रिहाई बर करे गए पहल बर मुख्यमंत्री अऊ छत्तीसगढ़ पुलिस बर आभार प्रकट करिस। ये बेरा म रायपुर रेंज के पुलिस महानिरीक्षक श्री आनंद छाबड़ा अऊ वरिष्ठ पुलिस अधीक्षक रायपुर श्री आरिफ शेख घलोक उपस्थित रहिन। मुख्यमंत्री ह श्री सोमानी के सकुशल रिहाई म छत्तीसगढ़ पुलिस ल मिले सफलता बर पुलिस के अधिकारी मन अऊ कर्मचारी मन ल बधाई दीन। मुख्यमंत्री ह कहिन कि छत्तीसगढ़ पुलिस बर ये एक बड़का उपलब्धि ये।
