रइपुर 22 अगस्त 2021 इतवार। रक्षाबंधन के पावन बेरा म मुख्यमंत्री दाउ भूपेश बघेल के घरू कार्यालय म आज प्रयास एजुकेशन सोसायटी टिकरापारा रइपुर के पढ़इया नोनी मन मुख्यमंत्री दाउ बघेल ल राखी बांधीन अउ तुलसी के बिरवा भेंट करके मुुख्यमंत्री ल उन्कर जन्मदिवस के अकताहा शुभकामना दींन। मुख्यमंत्री दाउ बघेल ह उन्कर प्रति मया अउ सम्मान बर धन्यवाद दीन अउ उन मन ल उपहार भेंट करके उन्कर उज्जर भविष्य बर असीस दीन।
ये बेरा म लइका मन के मांगे म मुख्यमंत्री दाउ बघेल ह प्रयास संस्था बर खेल सामग्री अउ डीजिटल ब्लैकबोर्ड बर 10 लाख रूपिया के स्वीकृति दीन। मुख्यमंत्री ले मिलइया लइका मन म यामिनी वर्मा, अंतरा मिश्रा, तनिषा श्रीवास, शिवानी तिवारी, स्पूर्ति भोयर, धानी महिलांग, आरती पाल, सिमरन नेताम, भूमिका साहू अउ किरन नेताम रिहिन।
