जांजगीर-चाम्पा, नवा जमाना म आज काल के जवान मन अपन बिहाव बर रकम-रकम के तियारी करथें। आज काल नवा फेसन प्रीवेडिंग के चले हे जेमा जोड़ा ह नवर-नवा गा म जाके रंग-रंग के स्टाईल म फोटू खिंचवाथें अऊ रील बनाथें।
एकर बर नव जवान मन नदिया, पहाड़, बगईचा मन म जाके सुंदर-सुंदर फोटू खिंचवाथें। ए बात ल देखत पेशा ले इंजीनियर देवेंद्र राठौर अपन बिहाव बर अलगेच हट के उदीम करिस। वो ह प्रीवेडिंग बर अपन प्रदेश के पारंपरिक वेस-भूषा अऊ परिधान के मान रखत छत्तीसगढ़ के पारंपरिक वेशभूषा अऊ पारम्परिक परिधान अऊ गहना-गाठा संग गांव म फोटू खिंचवाईन। जानबा हे के इंखर बिहाव के कार्ड घलोक छत्तीसगढ़ी भाखा म हे। जानबा हे के जिला मुख्यालय जांजगीर के जुन्ना बस्ती म रहईया इंजी. देवेंद्र राठौर के बिहाव दिपका के रश्मि राठौर संग 3 मई 2023 के दिन होवईया हे।
