बेमेतरा, बेमेतरा जिला के विकासखण्ड बेरला, नवागढ़, साजा अउ बेमेतरा म 16 जनवरी ले 4 मई 2022 तक 12 ले 14 साल आयु वर्ग समूह के 28225, 15 ले 17 साल आयु वर्ग समूह के 40684 अउ 18 साल ले जादा आयु वर्ग समूह के 583161 मनखे मन ल कोविड टीका के पहिली डोज लग गए हे अऊ 12 ले 14 साल आयु समूह के 1268, 15 ले 17 साल के आयु समूह के 31543 अउ 18 साल ले जादा 462077 मनखे मन ल कोविड टीका के दूसरा डोज लग गए हे। अइसनहे हेल्थ केयर वर्कर समूह के 3913, फ्रंट लाइन वर्कर समूह के 1739 अउ 60 साल ले जादा 2585 मनखे मन ल प्रिकॉशन डोज लगाए गए हे।
मुख्य चिकित्सा अउ स्वास्थ्य अधिकारी डॉ. खेमराज सोनवानी ह मनखे मन ले अपील करे हें कि सोशल डिस्टेंस के पालन करव। भीड़-भाड़ वाले जगा मन म झन जाव, दू गज के दूरी मास्क हे जरुरी नियम के पालन करव। समय-समय म साबून ले हाथ धोत रहव, सनेटाईसर के उपयोग करव। ताकि कोरोना के संक्रमण अउ फैलाव ल रोके जा सकय। स्वास्थ्य अधिकारी ह कहिन कि कोरोना ले बांचे बर हमला अऊ जादा ऐहतियात बरते के जरुरत हे। आप मन ये झन समझव कि कोरोना टीका लगे के बाद हम सुरक्षित हो गेन बल्कि टीका के बाद हमला अऊ जादा सावधानी बरते के जरुरत हे।
बेमेतरा जिला म अब तक 8 हजार 237 मनखे मन ल लगिस प्रिकॉशन डोज
