रायपुर, शिक्षक दिवस के अवसर म स्कूल शिक्षा मंत्री डॉ. प्रेमसाय सिंह टेकाम ह आज श्री गुजराती शिक्षण संघ देवेन्द्र नगर म अशासकीय स्कूल के 156 शिक्षक मन ल शाल, श्रीफल अऊ प्रमाण पत्र प्रदान करके सम्मानित करिन। कार्यक्रम के आयोजन फेडरेशन ऑफ ऐजुकेशनल सोसायटीज् अऊ अशासकीय प्राचार्य मंच कोति ले करे गीस। कार्यक्रम के अध्यक्षता राज्य गौ सेवा आयोग के अध्यक्ष राजेश्री डॉ. महंत रामसुंदर दास ह करिन।
स्कूल शिक्षा मंत्री डॉ. टेकाम ह सम्मानित होवईया सबो शिक्षक मन ल शिक्षक दिवस के बधाई अऊ शुभकामना देवत कहिन कि लइका मन के जीवन ल संवारे म गुरू के महत्वपूर्ण भूमिका होथे।
कार्यक्रम ल राज्य गौ सेवा आयोग के अध्यक्ष राजेश्री डॉ. महंत रामसुंदर दास, फेडरेशन के अध्यक्ष श्री अजय तिवारी, कार्यकारी अध्यक्ष डॉ. सुरेश शुक्ला ह घलोक सम्बोधित करिन। ये बेरा म फेडरेशन के उपाध्यक्ष श्री अशोक पटेल, महासचिव श्री अरविंद शर्मा, सचिव श्री शरद दुबे, अशासकीय प्राचार्य मंच के अध्यक्ष श्री अशोक दुबे, गुजराती शिक्षण संघ के पदाधिकारी संग अशासकीय स्कूल मन के प्राचार्य अऊ शिक्षक उपस्थित रहिन।
