रायपुर 30 जुलाई 2023 इतवार। मुख्यमंत्री दाऊ भूपेश बघेल ह उपन्यास सम्राट मुंशी प्रेमचंद के 31 जुलाई के जयंती के अवसर म उन ल नमन करीन हावय। दाऊ भूपेश बघेल ह कहीन कि मुंशी प्रेमचंद एक संवेदनशील लेखक रिहिन, जेन आम आदमी के दुःख दर्द अउ संवेदना के जीवंत वर्णन अपन साहित्य में करीन हावय। उन्कर साहित्य म आम आदमी के दुःख, दर्द, गरीबी, बेबसी अउ नान्हे नान्हे खुशी मन ल करीब मन ले महसूस करे जा सकत हावय। मुंशी प्रेमचंद जी ह सांप्रदायिकता, भ्रष्टाचार, जमींदारी, सूदखोरी, गरीबी, उपनिवेशवाद ऊपर अपन कलम ले चोक्खा प्रहार करीन हावय। उनमन सरल, सहज अउ आम बोल-चाल के भाषा के उपयोग करीन, जेकर ले उन्कर साहित्य जन-जन तक पहुंचिन। दाऊ बघेल ह कहीन कि प्रेमचंद जी प्रगतिशील विचार के अमूल्य खजाना नवा पीढ़ी बर विरासत म छोड़ गे हावय। उन्कर साहित्य के क्षेत्र म अमूल्य योगदान सरीदिन सुरता करे जावत रहिही।
मुख्यमंत्री ह मुंशी प्रेमचंद जी के जयंती म उन ल करीन नमन
