खेल अऊ युवा कल्याण विभाग करही प्रशिक्षण कैम्प के आयोजन
रायपुर, 36वां राष्ट्रीय खेल गुजरात म होवइया हे, जेमां छत्तीसगढ़ राज्य ले कई ठन खेल मन म खिलाड़ी मन भाग लेहीं। राष्ट्रीय खेल के आयोजन अवइया सितंबर महिना म होही। राज्य के खिलाड़ी नेशनल गेम म अपन सर्वश्रेष्ठ प्रदर्शन कर सकयं अऊ जादा ले जादा पदक जीत सकयं, ते पाए के खेल संचालनालय ह तैयारी चालू कर देहे हे। 36वां राष्ट्रीय खेल बर क्वालिफाई करइया खिलाड़ी मन के अधिकृत जानकारी खेल संचालनालय ह खेल संघ मन ले मंगाए हे, जेखर आधार म खिलाड़ी मन बर प्रशिक्षण कैम्प के आयोजन कराए जात हे। राज्य के खिलाड़ी मन ल ऊंखर सर्वश्रेष्ठ प्रदर्शन बर खिलाड़ी मन ल खेल अऊ युवा कल्याण विभाग कोति ले सहायता अऊ प्रोत्साहन देहे जात हे।
