रायपुर, 06 अगस्त 2024। स्वतंत्रता दिवस के अवसर म 15 अगस्त 2024 के राज्यपाल श्री रमेन डेका के गरिमामय उपस्थिति म राजभवन म संझा ‘‘स्वागत समारोह‘‘ के आयोजन करे जाही। जेमां देश के रक्षा बर शहादत देवइया सैनिक मन के परिजन, पद्मश्री, पद्मभूषण ले सम्मानित राज्य के नागरिक, जनप्रतिनिधि मन संग गणमान्य नागरिक अउ प्रशासन के वरिष्ठ अधिकारी मन ल आमंत्रित करे जाही।
राजभवन म राज्यपाल के सचिव श्री यशवंत कुमार के अध्यक्षता म स्वतंत्रता समारोह के सुचारू आयोजन बर आज बैठक आयोजित करे गीस। बैठक म राजभवन परिसर अउ आस-पास के साफ-सफाई, भिथिया मन म रंग रोगन, वर्षा ल देखत मैदान के समतलीकरण कराए के निर्देश देहे गीस। अइसनहे परिसर स्थित उद्यान के साफ-सफाई, राजभवन म रोशनी के व्यवस्था, पार्किंग व्यवस्था, यातायात नियंत्रण व्यवस्था, सुचारू बिजली व्यवस्था, आमंत्रण पत्र वितरण, अतिथि मन के बैठक व्यवस्था, अतिथि मन के आगमन के समय सुरक्षा व्यवस्था आदि महत्वपूर्ण विषय मन उपर चर्चा करके जरूरी दिशा-निर्देश सचिव ह संबंधित अधिकारी मन ल देहे हें।
बैठक म राज्यपाल के उप सचिव श्रीमती हिना अनिमेष नेताम, राजभवन के अधिकारी रायपुर जिला प्रशासन अउ पुलिस के अधिकारी, नगर-निगम, लोक निर्माण विभाग, सी.एस.ई.बी. अउ आन संबंधित विभाग के अधिकारी मन उपस्थित रहिन।