रायपुर,18 सितंबर 2020। राज्य म अवइया खरीफ विपणन वर्ष 2020-21 म समर्थन मूल्य म धान खरीदी बर तैयारी शुरू हो गे हे। मुख्यमंत्री भूपेश बघेल ह बारिश ले धान ल बचाय अउ किसान मन के सुविधा बर प्रदेश के सबो धान खरीदी केन्द्र म चबूतरा निर्माण करा देहे हवे। मुख्यमंत्री के निर्देश के अनुरूप प्रथम चरण म 4630 चबूतरा के निर्माण करे जा चुके हे। जांजगीर-चांपा जिला म घलो अवइया समर्थन मूल्य म धान खरीदी के तैयारी शुरू हो गे हे। समर्थन मूल्य म धान खरीदी के तैयारी के संबंध म कलेक्टर ह जिला के राइस मिलर मन के बैठक लिस। सबो मिलर ल समय म बारदाना जमा करे बर केहे गे हे। जिला के राईस मिलर मन के डाहर ले 83 लाख बारदान जमा करे जाना हे। एकर अलावा पीडीएस की दुकान ले घलो बारदाना जमा करय बर केहे गे हवे। जिला म गत खरीफ विपणन वर्ष 2019-20 म समर्थन मूल्य म 2 लाख 30 हजार क्विंटल धान खरीदे गे रिहिन
समर्थन मूल्य म धान खरीदे बर तैयारी शुरू, समय म बारदान जमा करे के निर्देश।
