गोधन न्याय अऊ मितान योजना ल डिजिटल इंडिया म सहराए गीस

रायपुर, छत्तीसगढ़ के महत्वाकांक्षी गोधन न्याय योजना अऊ मितान योजना ल गुजरात के अहमदाबाद स्थित गांधीनगर महात्मा मंदिर म 4 ले 9 जुलाई 2022 तक आयोजित डिजिटल इंडिया हफ्ता म सराहना मिले हे। छत्तीसगढ़ कोति ले काली तीसरइया दिन आयोजित कांफ्रेंस म भाग लेत इलेक्ट्रॉनिक्स अऊ सूचना प्रौद्योगिकी विभाग के विशेष सचिव अऊ छत्तीसगढ़ इन्फोटेक प्रमोशन सोसायटी के मुख्य कार्यपालन अधिकारी श्री समीर विश्नोई ह राज्य के महत्वाकांक्षी मितान योजना के परखर जानकारी दीन।
श्री विश्नोई के बताती राज्य शासन कोति ले चालू करे गए मितान योजना के मुख्य उद्देश्य शासकीय सेवा वितरण प्रणाली म सुधार लात नागरिक मन ल घर पहुंच सेवा के लाभ देना हे। एखर अलावा गोधन न्याय योजना के घलोक जानकारी देहे गीस। मंच संचालन करत भारत शासन सूचना प्रौद्योगिकी मंत्रालय के सचिव श्री राजेंद्र कुमार ह राज्य सरकार कोति ले नवाचार के परयोग करत संचालित योजना अऊ छत्तीसगढ़ के नवीन पहलु मन ल सहराइन। सीएससी के मुख्य कार्यपालन अधिकारी डॉ. दिनेश त्यागी ह मितान योजना के बड़ई करत कहिन ये नागरिक सशक्तिकरण बर आईटी के सही उपयोग ये। बहुत अकन देश म अइसन पहल होए लगे हे।
एखर ले पहिली डिजिटल इंडिया हफ्ता के तीसरइया दिन गुजरात सरकार के माइ हवअ पोर्टल, आईटी पॉलिसी के मार्गदर्शिका अऊ आईटी क्षेत्र म सब्सिडी प्रदान करे बर एकल खिड़की पोर्टल के शुभारंभ गुजरात सरकार के शिक्षा मंत्री श्री जीतू भाई वाघनी ह करिस। कार्यक्रम म देश भर ले आए आईटी खांटी जानकार मन ह हिस्सा लीन। एमां डॉ. जे सतनारायण, सलाहकार वर्ल्ड इकोनामिक फोरम, सामान्य सेवा केंद्र के मुख्य कार्यपालन अधिकारी डॉ. दिनेश कुमार त्यागी, आंध्र प्रदेश के आईटी विभाग के प्रमुख सचिव श्री सौरभ गोरे, उत्तर प्रदेश सरकार के सचिव श्री कुमार विनीत संग बहुत अकन खांटी जानकार मन ह भाग लीन।