- कोविड-19 नियंत्रण म राज्यपाल कोति ले देहे गीस जानकारी
- राष्ट्रपति ह करिन सराहना अऊ उपराष्ट्रपति ह कहिन -वेरी गुड
- कोरोना वायरस के संक्रमण ले बचाव बर करे गए हे ठोस प्रयास: सुश्री उइके
रायपुर, 03 अप्रैल 2020। राष्ट्रपति श्री रामनाथ कोविंद ह आज वीडियो कॉन्फ्रेंसिंग के माध्यम ले कोरोना वायरस के संक्रमण के सम्बंध म दुसरइया पईत राज्यपाल मन के बैठक लीन। ये बेरा म उपराष्ट्रपति श्री एम. वेंकैया नायडु उपस्थित रहिन। उमन पूरा देश म कोरोना के संक्रमण के बचाव बर करे जात प्रयास मन के जानकारी लीन। राज्यपाल सुश्री अनुसुईया उइके ह कहिन के छत्तीसगढ़ म कोरोना वायरस के संक्रमण ले बचाव बर ठोस उदीम करे जात हे। राज्यपाल ह कहिन – छत्तीसगढ़ म 09 कोरोना पाजिटिव पाए गे रहिस, ये मां ले 03 मरीज ठीक होके डिस्चार्ज हो गे हे। आन मरीज मन के हालात म घलोक सुधार होवत हे। ये संबंध म मैं ह भारतीय आयुर्विज्ञान संस्थान छत्तीसगढ़ के निदेशक ले बात करे हंव अऊ उहां भर्ती कोरोना ले प्रभावित हर एक मरीज के जानकारी लेहे हंव अऊ आन सबो मरीजों के जल्द स्वास्थ्य लाभ के कामना करे हंव। मैं ह एम्स के जम्मो चिकित्सक अऊ आन कर्मचारी मन ल ऊंखर काम बर धन्यवाद घलोक देहे हंव। ए बात म राष्ट्रपति ह सराहना करिन अऊ उपराष्ट्रपति ह कहिन-वेरी गुड।