मुख्यमंत्री विष्णुदेव साय ह नई दिल्ली म राष्ट्रपति द्रौपदी मुर्मू ले करिन सौजन्य भेंट

नई दिल्ली, मुख्यमंत्री श्री विष्णुदेव साय ह आज नई दिल्ली स्थित राष्ट्रपति भवन म राष्ट्रपति श्रीमती द्रौपदी मुर्मू ले सौजन्य भेंट करिन।
मुख्यमंत्री श्री साय ह राष्ट्रपति श्रीमती मुर्मू ल अवगत कराइन के साल 2025 ल छत्तीसगढ़ राज्य के गठन के रजत जयंती साल के रूप म मनाए जात हे। मुख्यमंत्री श्री साय ह रजत जयंती साल के विशेष अवसर म राज्य सरकार कोति ले करे जात विकास काम, जनकल्याण अऊ सांस्कृतिक गौरव ले जुड़े कार्यक्रम मन के जानकारी दीन।
मुख्यमंत्री श्री साय ह राष्ट्रपति श्रीमती मुर्मू ल छत्तीसगढ़ आगमन बर सादर आमंत्रित करिन। राष्ट्रपति श्रीमती द्रौपदी मुर्मू ह मुख्यमंत्री श्री विष्णुदेव साय ल छत्तीसगढ़ राज्य के रजत जयंती वर्षगांठ के हार्दिक शुभकामना दीन। उमन राज्य के सर्वांगीण विकास अऊ जनकल्याण खातिर करे जात उदीम मन के सराहना करिन अऊ प्रदेश के सरलग प्रगति अऊ समृद्धि के कामना करिन।
ए बेरा म केंद्रीय आवासन अऊ शहरी काम राज्यमंत्री श्री तोखन साहू अऊ मुख्यमंत्री के प्रमुख सचिव श्री सुबोध कुमार सिंह उपस्थित रहिन।