राज्यपाल अऊ मुख्यमंत्री के संग मंत्रीमंडल के सदस्य अऊ सांसद मन घलो होहीं शामिल
जनजातीय कला अऊ परंपरा के उत्सव आय बस्तर पंडुम
बस्तर के संस्कृति अऊ परंपरा ला दुनिया भर म पहचान देवइया ए ‘बस्तर पंडुम’ बर पूरा प्रदेश तइयार हे। राष्ट्रपति के आगमन ले ए उत्सव के रौनक अऊ जादा बाढ़ जाही।
रायपुर, राष्ट्रपति श्रीमती द्रोपदी मुर्मु आदिवासी संस्कृति के महाकुंभ ‘बस्तर पण्डुम-2026‘ के 7 फरवरी 2026 के शुभारंभ करिहीं। संभाग स्तरीय बस्तर पण्डुम 9 फरवरी तक चलही। जनजातीय समाज के ए तीन दिन के सांस्कृतिक महाकुंभ ह जनजातीय जीवनशैली, मान्यता, रीति-रिवाज अऊ सांस्कृतिक विरासत ला सहेज के दुनिया ला देखाए के परब आय। बस्तर पण्डुम लोककला, संस्कृति अऊ स्थानीय परंपरा ले जुड़े उत्सव आय। ए उत्सव ह बस्तर के जनजातीय समाज के पहचान, गौरव अऊ ओखर समृद्ध परंपरा ला बढ़ावा देय के एक बड़े मंच आय। ए उत्सव के माध्यम ले बस्तर अंचल के संस्कृति ला राष्ट्रीय स्तर म नवा पहचान मिलही।
छत्तीसगढ़ शासन के संस्कृति विभाग कोति ले आयोजित राज्य स्तरीय जनजातीय अऊ लोक संस्कृति महोत्सव “बस्तर पंडुम 2026” के शुभारंभ समारोह 7 फरवरी 2026 के बिहनिया 11 बजे जगदलपुर म होही। समारोह के अध्यक्षता छत्तीसगढ़ के राज्यपाल श्री रमेन डेका करिहीं। कार्यक्रम म खास मेहमान के रूप म मुख्यमंत्री श्री विष्णु देव साय, केंद्रीय राज्य मंत्री श्री तोखन साहू, उपमुख्यमंत्री द्वय श्री अरुण साव अऊ श्री विजय शर्मा, पर्यटन अऊ संस्कृति मंत्री श्री राजेश अग्रवाल, वन अऊ जलवायु परिवर्तन मंत्री श्री केदार कश्यप विशेष रूप से शामिल होहीं।
बस्तर अंचल म पण्डुम ला बड़े उत्साह अऊ उल्लास के संग मनाय जाथे। ए उत्सव म जनजातीय समाज के जीवनशैली देखाय जाथे। ए बखत पण्डुम ला बहुत भव्य रूप म आयोजित करे जावत हे, जेम 12 विधा मन के प्रस्तुति होही। युवा कलाकार मन के माध्यम ले बस्तर के जनजातीय नाच-गान, नाटक, बाजा, वेशभूषा अऊ गहना, पूजा पद्धति, बस्तर शिल्प अऊ जनजातीय चित्रकला के प्रदर्शन करे जाही। एखर अलावा जनजातीय पेय पदार्थ, पारंपरिक खान-पान, आंचलिक साहित्य अऊ बस्तर के जड़ी-बूटी (वन औषधि) के बारे म घलो मनखे मन ला जानकारी देय जाही।
कार्यक्रम म सांसद श्री भोजराज नाग अऊ श्री महेश कश्यप, विधायक श्री किरण सिंहदेव, सुश्री लता उसेण्डी, श्री विक्रम उसेण्डी, श्री नीलकण्ठ टेकाम, श्री आशाराम नेताम, श्री चैतराम अटामी, श्री विनायक गोयल, श्रीमती सावित्री मनोज मंडावी, श्री लखेश्वर बघेल, श्री विक्रम मंडावी अऊ महापौर श्री संजय पाण्डेय के संग कतको जनप्रतिनिधि अऊ भारी संख्या म मनखे मन शामिल होहीं।