राज्यपाल सुश्री उईके अऊ मुख्यमंत्री श्री बघेल के मौजूदगी म 74 पढ़ईया लईका मन ल दीन गोल्ड मेडल, पीएचडी डिग्री ले घलोक 75 पढ़ईया लईका मन ल नवाजिन
रायपुर, 02 मार्च 2020। गुरू घासीदास केन्द्रीय विश्वविद्यालय परिसर बिलासपुर म आज राष्ट्रपति श्री रामनाथ कोविंद ह 8वां दीक्षांत समारोह म शिरकत करिन अऊ 74 उत्कृष्ट पढ़ईया लईका मन ल गोल्ड मेडल अऊ 75 पढ़ईया लईका मन ल पीएचडी के उपाधि प्रदान करिन। भिनसरहा 11 बजे शुरू होए दीक्षांत समारोह म 9 संकाय के श्रेष्ठ पढ़ईया लईका मन ल गोल्ड मेडल प्रदान करे गीस। एखर पहिली दीक्षांत समारोह शोभायात्रा निकाले गीस अऊ पढ़ईया लईका मन के संग राष्ट्रपति श्री कोविंद ह समूह फोटो घलोक खिंचाईन। ये बेरा म छत्तीसगढ़ के राज्यपाल सुश्री अनुसुईया उईके, मुख्यमंत्री श्री भूपेश बघेल, विश्वविद्यालय के कुलाधिपति श्री अशोक मोडक, कुलपति प्रोफेसर अंजिला गुप्ता अऊ कुलसचिव प्रोफेसर शैलेन्द्र कुमार घलोक मौजूद रहिन। दीक्षांत समारोह म 74 पढ़ईया लईका मन ल गोल्ड मेडल दे गीस। जेमा 44 छात्रा अउ 30 छात्र सामिल रहिन। अइसनहे 75 पढ़ईया लईका मन ल पीएचडी के उपाधि दिए गीस। जेमा 49 छात्र अऊ 29 छात्रा सामिल रहिन। दीक्षांत समारोह ल राष्ट्रपति श्री रामनाथ कोविंद ह करीबन 13 मिनट तक संबोधित करिन अऊ संबोधन ले उपस्थित पढ़ईया लईका मन अऊ शिक्षक मन के उत्साहवर्धन करिन।
