राष्ट्रपति के बस्तर प्रवास के तैयारी मन ला लेके मुख्य सचिव ह लीन अधिकारी मन के बैठक

रायपुर, भारत के राष्ट्रपति श्रीमती द्रौपदी मुर्मू के छत्तीसगढ़ के बस्तर म बस्तर पंडुम के संभाग स्तरीय समारोह के मौका म 7 फरवरी 2026 के प्रस्तावित प्रवास बर अलग-अलग तैयारी मन के संबंध मं मुख्य सचिव ह अधिकारी मन के उँच स्तरीय बैठक लीन। मुख्य सचिव श्री विकासशील ह राष्ट्रपति महोदया के प्रवास के मौका म सुरक्षा, चिकित्सा, आए-जाए सहित सबो जरूरी व्यवस्था मन के संबंध म अधिकारी मन ला निर्देश देहे हें।
मुख्य सचिव ह वीडियो कॉन्फ्रेंस के माध्यम ले बस्तर कलेक्टर कोति ले करे जात सबो व्यवस्था मन के जानकारी लीन। अइसनेच मुख्य सचिव ह रायपुर कलेक्टर ले घलो जानकारी लेके जरूरी दिशा-निर्देश दीन।
बैठक म जनसंपर्क अउ संस्कृति विभाग के सचिव श्री रोहित यादव, सामान्य प्रशासन विभाग के सचिव श्री अविनाश चंपावत, गृह विभाग के सचिव श्रीमती नेहा चंपावत, स्वास्थ्य विभाग के सचिव श्री अमित कटारिया, लोक निर्माण विभाग के सचिव डॉ. कमलप्रीत सिंह सहित आन विभाग मन के अधिकारी सामिल होइन।