मुख्यमंत्री श्री विष्णु देव साय ले राष्ट्रपति सम्मान ले सम्मानित देवाशीष अऊ मनतृप्त कौर ह करिन सौजन्य मुलाकात

मुख्यमंत्री ह दीन बधाई अऊ शुभकामना, उज्ज्वल भविष्य के कामना करिन
रायपुर, मुख्यमंत्री श्री विष्णु देव साय ले राष्ट्रपति रोवर रेंजर अवार्ड ले सम्मानित रोवर देवाशीष मखीजा अऊ रेंजर मनतृप्त कौर संधू ह सौजन्य मुलाकात करिस। मुख्यमंत्री श्री साय ह दुनों प्रतिभा मन ल चिनहारी चिन्ह भेंट करके उंखर उपलब्धि मन बर सम्मानित करे गीस अऊ ऊंखर उज्ज्वल भविष्य के कामना करिन।
जानबा हे के राष्ट्रपति श्रीमती द्रौपदी मुर्मू ह 22 जुलाई ल राष्ट्रपति भवन, नई दिल्ली म आयोजित विशिष्ट समारोह म छत्तीसगढ़ के रोवर देवाशीष माखीजा, रेंजर मनतृप्त कौर संधू अऊ गाईड कुसुम सिन्हा ल अलग-अलग श्रेणी मन म सम्मानित करे गीस। श्री देवाशीष ह बताइस के ये गौरवपूर्ण पुरस्कार चार बछर के अंतराल म देश भर ले चुने गे 16 प्रतिभागी मन ल देहे गीस। गरब के बात हे के ए पइत छत्तीसगढ़ ले तीन प्रतिभागी मन ह ये उपलब्धि हासिल करे हे। उमन बताइस के इही कड़ी म ओ मन ल तत्कालीन राज्यपाल श्रीमती अनुसुइया उइके कोति ले राज्यपाल पुरस्कार ले घलोक सम्मानित करे जा चुके हे।
ए बेरा म छत्तीसगढ़ राज्य अल्पसंख्यक आयोग के अध्यक्ष श्री अमरजीत सिंह छाबड़ा के संग रेंजर मनतृप्त कौर के पिता श्री गुरजीत सिंह संधू घलोक उपस्थित रहिन।