रायपुर 01 मार्च 2020। राष्ट्रपति श्री रामनाथ कोविंद भारतीय वायुसेना के तीन हेलीकाप्टर के काफिला के संग आज 01 मार्च के दू दिन के प्रवास म जिला मुख्यालय बिलासपुर के पंडित सुन्दर लाल शर्मा फ्री विश्वविद्यालय स्थित हेलीपेड पहुंचिन। राष्ट्रपति श्री कोविंद के संग छत्तीसगढ़ के राज्यपाल सुश्री अनुसुईया उईके घलोक पहुंचिन। राज्य शासन कोति ले प्रदेश के उच्च शिक्षा मंत्री श्री उमेश पटेल ह हेलीपेड म राष्ट्रपति श्री कोविंद के अगुवानी करिन अऊ उंखर हार्दिक स्वागत करिन। ये मौका म राज्यपाल के सचिव श्री सोनमणी बोरा घलोक मौजूद रहिन।
ये बेरा म महापौर श्री रामशरण यादव, कमिश्नर श्री बी.एल.बंजारे, पुलिस महानिरीक्षक श्री दीपांशु काबरा, कलेक्टर डॉ. संजय अलंग, पुलिस अधीक्षक श्री प्रशांत अग्रवाल, जिला पंचायत के मुख्य कार्यपालन अधिकारी श्री रितेश अग्रवाल ह घलोक स्वागत करिन। एकर पाछू राष्ट्रपति श्री कोविंद छत्तीसगढ़ भवन बर रवाना होइन। राष्ट्रपति श्री कोविंद 2 मार्च के बिहनिया 10 बजे गुरू घासीदास केन्द्रीय विश्वविद्यालय कोनी म आयोजित दीक्षांत समारोह म सामिल होहीं। कार्यक्रम के बाद ओ मन स्वामी विवेकानंद विमानतल रायपुर बर रवाना होहीं।
