रायपुर 1 मार्च 2020। राष्ट्रपति श्री रामनाथ कोविन्द के आज दू दिन के प्रवास म छत्तीसगढ़ के राजधानी रायपुर पहुंचे म स्वामी विवेकानंद विमानतल म आत्मीय स्वागत करे गीस। ये बेरा म विमानतल म राज्यपाल सुश्री अनुसूईया उइके, मुख्यमंत्री श्री भूपेश बघेल, महापौर श्री एजाज ढेबर, मुख्य सचिव श्री आर.पी. मंडल, पुलिस महानिदेशक श्री डी.एम अवस्थी, कमिश्नर श्री जी.आर. चुरेन्द्र, पुलिस महानिरीक्षक डॉ आनंद छाबड़ा, कलेक्टर डॉ. एस. भारतीदासन, वरिष्ठ पुलिस अधीक्षक मोहम्मद एच आरिफ शेख संग आन गणमान्य नागरिक मन ह उंखर स्वागत करिन। एखर बाद राष्ट्रपति हेलीकाप्टर ले बिलासपुर बर रवाना होइन।
राष्ट्रपति, गुरू घासीदास केन्द्रीय विश्वविद्यालय बिलासपुर म 2 मार्च के भिनसरहा 10 बजे ले दीक्षांत समारोह म सामिल होहीं। एखर बाद ओ मन बिलासपुर ले हेलीकाप्टर ले रवाना होके 12 बजे स्वामी विवेकानंद विमानतल, रायपुर पहंचहीं अऊ इहां ले 12.10 बजे भारतीय वायुसेना के विमान ले दिल्ली बर रवाना होहीं।