रायपुर, 1मुख्यमंत्री श्री भूपेश बघेल रायपुर प्रेस क्लब कोति ले आयोजित होली मिलन समारोह म सामिल होइन।राजधानी रायपुर के मोतीबाग स्थित प्रेस क्लब भवन म आयोजित होली मिलन समारोह म मुख्यमंत्री के संग उद्योग मंत्री श्री कवासी लखमा घलोक उपस्थित रहिन। मंच म पहुंचे म रायपुर प्रेस क्लब के पदाधिकारी मन ह मुख्यमंत्री श्री बघेल के स्वागत फूल गोभी अऊ कटहल ले करिन। ये दौरान मुख्यमंत्री ल विशेष तौर म बनाए गए सोनहा टोपी अऊ माला घलोक पहनाए गीस।
मुख्यमंत्री ह सबो पत्रकार मन ल होली के शुभकामना देवत देश अऊ प्रदेश बर सुख, समृद्धि अऊ खुशहाली के कामना करिन। मुख्यमंत्री श्री बघेल ह होलिका के संग ही समाज के जम्मो बुराइ मन के घलोक नष्ट होए के प्रार्थना करत कोरोना महामारी के पूरा खतम होए बर ईश्वर ले प्रार्थना करिन। ये मौका म मुख्यमंत्री श्री बघेल घलोक होली के रंग सराबोर नजर आइन अऊ मंच ले उमन फाग गीत गात होइन पत्रकार मन के संग होली लेलिन।
रायपुर प्रेस क्लब कोति ले आयोजित होली मिलन समारोह म रायपुर प्रेस क्लब के अध्यक्ष श्री दामू आम्बेडारे समेत प्रेस क्लब के सबो पदाधिकारी अऊ सदस्य उपस्थित रहिन।
फाग गीत गाके मुख्यमंत्री ह सबो बर भगवान ले मांगिंन खुशहाली
