रायपुर, 4 जनवरी 2021। राजधानी रायपुर म 30 लाख रुपिया ले जादा मूल्य के लगभग 100 घन मीटर अवैध रूप ले संग्रहित लकड़ी जब्त करे गए हे। वन अऊ जलवायु परिवर्तन मंत्री मोहम्मद अकबर के निर्देशानुसार प्रदेश म विभाग के डाहर ले अभियान जारी हे। इही कड़ी म विभाग ह रविवार के रायपुर म कार्रवाई करे हे। लकड़ी के अवैध रूप ले संग्रहण राजधानी रायपुर के उमिया टिम्बर मार्केट भनपुरी स्थित मे. संजय गुप्ता के गोदाम म संजय छाबड़िया ह करे रहिस। गोदाम मालिक अऊ संजय छाबड़िया मूलत: बरगढ़-ओडिसा के रहइया हे। ये कार्रवाई प्रधान मुख्य वन संरक्षक अऊ वन बल प्रमुख राकेश चतुवेर्दी के मार्गदर्शन म होय हे। मुख्य वन संरक्षक जेआर नायक के निर्देशानुसार वनमंडलाधिकारी रायपुर विश्वेश कुमार के नेतृत्व म कार्रवाई करे गीस। जब्त लकड़ी मन म रक्तचंदन, पापड़ा, शीशम, खैर अऊ साल जइसे बहुमूल्य प्रजाति के लकड़ी शामिल हे। वन विभाग के गठित टीम म शामिल उप वनमंडलाधिकारी विश्वनाथ मुखर्जी अऊ वन परिक्षेत्राधिकारी मिर्जा फिरोज बेग सहित विभागीय अमला के डाहर ले गोदाम म कार्रवाई निरंतर जारी हे, जोन आज तक म पूर्ण होही। बता देंथन कि रायपुर वनमंडल अंतर्गत ही गत एक सप्ताह के भीतर 6 लाख रुपिया के लकड़ी के जब्ती सहित 4 वाहन मन के राजसात के कार्रवाई घलो करे गीस हे।
लउछरहा..
चुनई मड़वा म पोस्टल बैलेट ले पुलिस अउ नगर सैनिक मन ह करिन मतदान
April 29, 2024 Surabhi Tiwari Comments Off on चुनई मड़वा म पोस्टल बैलेट ले पुलिस अउ नगर सैनिक मन ह करिन मतदानरायपुर, 29 अप्रैल 2024। रायपुर म पुलिस अउ नगर सेनानी अधिकारी कर्मचारी मन ह 27 अऊ...घर घर जाबो, वोट कराबो : रायपुर ले रवाना होइस होम वोटिंग मतदान रथ
April 29, 2024 Surabhi Tiwari Comments Off on घर घर जाबो, वोट कराबो : रायपुर ले रवाना होइस होम वोटिंग मतदान रथरायपुर, 29 अप्रैल 2024। कलेक्टर डॉ गौरव सिंह आज रायपुर लोकसभा म होम वोटिंग बर “होम...फटफटी चोर गिरोह के 5 शातिर अपराधी गिरफ्तार
रायपुर, 26 अप्रैल 2024। ए बछर टिकरापारा म सरलग गाड़ी चोरी के रिपोट थाना लिखावत रहिस,...