सक्ती, छत्तीसगढ़ के सक्ती जिला के एक छोट कन गांव डड़ाई म रहवइया किसान श्याम लाल अब राहत के सांस लेवत हे। कइ बछर ले कच्चा खपरैल वाले घर म हर साल बरसात के मार झेलइया श्यामलाल ल प्रधानमंत्री आवास योजना के तहत पक्का घर मिले हे। ये घर वोखर जीवन म स्थिरता, सुरक्षा अऊ सम्मान लेके आए हे।
श्यामलाल के जीवन खेती-किसानी उपर आधारित रहिस, आर्थिक तंगी के सेती ओ ह पक्का मकान बनाए के सोच घलोक नइ सकत रहिस। हर साल बरसात म छत ले पानी चूहना, भिथिया आदेरना, अऊ खपरा के टूटे के चिंता बने रहय। फेर जब ओ ल प्रधानमंत्री आवास योजना के जानकारी मिलीस, तब वो ह आवेदन करिस अऊ पात्रता मिले के बाद ए योजना के लाभ मिलीस।
अब ओखर खुद के मजबूत, टिकाऊ अऊ सुरक्षित पक्का मकान बनके तैयार हो गए हे। श्यामलाल भावुक होके बतात हे के सरकार ह जेन मदद करे हे, वो हमार बर कोनो वरदान ले कम नइ हे। अब हमार लइका मन ल घलोक एक सुरक्षित छत मिले हे। प्रधानमंत्री आवास योजना के तहत बने ये घर सिरिफ एक निर्माण न ही, बल्कि आत्मनिर्भरता अऊ सम्मान के नींव हे। ये योजना प्रदेश के दूरस्थ अंचल मन म रहत जरूरतमंद परिवार मन के जीवन म सही बदलाव लावत हे।
प्रधानमंत्री आवास योजना ह बदलिस श्यामलाल के ज़िंदगी : अब पक्का घर म सुकून ले बीतत हे जीवन
