लतेल दास महंत ल मिलीस पक्का घर, बरसात के मुसीबत मन ले मिलीस राहत
सक्ती, छत्तीसगढ़ म प्रधानमंत्री आवास योजना ग्रामीण के तहत ज़रूरतमंद परिवार मन ल पक्का अऊ सुरक्षित घर मिलत हे। ए योजना ह गरीब अऊ कमजोर वर्ग के जीवन म नवा अंजोर लाए हे। सक्ती जिला के विकासखंड सक्ती अंतर्गत ग्राम नंदौरखुर्द रहवइया लतेल दास महंत एकर जीवंत उदाहरण बने हे।
किसानी काम ले गुजर-बसर करइया लतेल दास महंत क बछर तक खपरा वाले कच्चा मकान म रहत रहिस। बरसात के मौसम म चूहत छांधी, भोरसकत भिथिया अऊ हर साल खपरा लहुटाए के चिंता ओखर सबले बड़का संकट रहिस। आर्थिक स्थिति कमजोर होए के सेती वो पक्का मकान बना पाय म असमर्थ रहिस।
प्रधानमंत्री आवास योजना के जानकारी मिले म वो ह आवेदन करिस अऊ पात्रता मिले के बाद ओ ल पक्का मकान आवंटित होइस। आज ओखर मजबूत, सुरक्षित घर तैयार हे, जेखर से बरसात के परेशानी मन अब इतिहास बन गे हे। लतेल दास महंत ह बताइस के हर साल बरसात हमार बर चिंता अऊ संकट लेके आत रहिस। अब प्रधानमंत्री आवास योजना ले मिले पक्का घर हमला सुरक्षा देवत हे संगेच आत्मसम्मान अऊ स्थिरता घलोक देवत हे।
ये कहानी एक मनखे के ज़िंदगी म आए बदलाव ल देखाथे, संगेच प्रधानमंत्री आवास योजना के सफलता अऊ ओखर जमीनी हकीकत ल देखाथे। योजना ह छत्तीसगढ़ के हजारों परिवार मन ल सम्मानजनक जीवन जिए, सुरक्षित अऊ स्थायी आवास देके सामाजिक सुरक्षा अऊ बेहतर जीवन के आधार देवत हे।
प्रधानमंत्री आवास योजना ले छत्तीसगढ़ म बदलत हे ज़िंदगी
