पीएम घर पाके भावुक होइस तुलसीराम, कहिस लइका मन ल मिलीस सुरक्षित छत, चिंता हो गे दूर
मोहला–मानपुर–अंबागढ़–चौकी, जिला के विकासखंड मानपुर के ग्राम दोरबा के रहवइया श्री तुलसीराम पिता दसरूराम, जेन कइ बछर ले माटी के कच्चा घर म विषम परिस्थिति मन म जीवन बितात रहिस। फेर आज प्रधानमंत्री आवास योजना ग्रामीण के तहत मिले पक्का घर म आत्मसम्मान अऊ सुरक्षा के संग जीवन बितावत हे। आर्थिक रूप ले कमजोर वर्ग ले संबंध रखइया तुलसीराम रोजी-मजदूरी करके अपन परिवार के भरण-पोषण करत रहिस। ओखर जुन्ना मकान ले बरसात के दिन म छत ले पानी चूहय। मकान जर्जर होए के सेती हर मौसम वोखर बर एक नवा चुनौती लेके आवत रहिस।
बछर 2024-25 के ग्राम सभा वोखर बर भरोसा के अंजोर बनके आईस। जब ओ ल ये बताइए गीस के प्रधानमंत्री आवास योजना ग्रामीण के अंतर्गत वोखर नाव ले आवास स्वीकृत होय हे, त श्री तुलसीराम भावुक हो गे, मानो कइ बछर के अगोरा अचानक पूरा हो गे। ग्राम पंचायत के सहयोग ले घर निर्माण के प्रक्रिया शुरू होइस, अऊ आज ओ अपन पक्का, मजबूत अऊ सुंदर घर म अपन परिवार के संग संतोष अऊ सुकून के संग रहत हे। ओखर चेहरा आत्मविश्वास ले भरे हे अऊ आंखी म एक नवा चमक हे। श्री तुलसीराम ह प्रधानमंत्री श्री नरेन्द्र मोदी अऊ मुख्यमंत्री श्री विष्णुदेव साय ल धन्यवाद ज्ञापित करत कहिस के प्रधानमंत्री आवास योजना मोर बर केवल एक योजना भर नो हे, बल्कि मोर जिंदगी के एक नवा शुरुआत हे। अब मोर लइका मन खातिर मूड़ लुकाय खातिर एक सुरक्षित छत हे, अऊ मोला अपन भविष्य के चिंता नइ हे।
प्रधानमंत्री आवास योजना ले मिलीस पक्का घर, तुलसीराम के जीवन म लहुटिस खुशहाली
