सक्ती जिला ह आवास निर्माण म बनाइस नवा कीर्तिमान

30,512 घर पूरा करके प्रदेश म पाइस तीसरइया जगा
सक्ती, प्रधानमंत्री आवास योजना (ग्रामीण) के अंतर्गत नवगठित सक्ती जिला ह उल्लेखनीय उपलब्धि दर्ज करत साल 2024-25 म तीस हजार पांच सौ बारह आवास के निर्माण पूरा करे हे। ए सफलता के संग सक्ती जिला प्रदेश म तीसर जगा म पहुंच गए हे।
सक्ति जिला म साल 2016 से  साल 2023 तक कुल 44 हजार 319 आवास मन के निर्माण पूरा करे गीस, जेन 95 प्रतिशत उपलब्धि ल दर्शाथे। एमां जिला गठन के बाद 10 हजार 182 घर सामिल हे। इही कड़ी म साल 2024-25 के कार्ययोजना के अंतर्गत 30 हजार 512 घर पूरा करके, सक्ती जिला राज्य के तीसरइया अइसे जिला बने हे जेन हर 30 हजार ले जादा आवास निर्माण काम पूरा करे हे। ए प्रकार अब तक कुल 74 हजार 831 आवास निर्माण काम पूरा हो गे हे। ये उपलब्धि ग्रामीण विकास अऊ जीवन स्तर सुधार के दिशा म एक मील के पत्थर सिद्ध होवत हे। जिला म शासन के योजना मन ल पात्र परिवार मन तक समयबद्ध तरीका ले पहुँचाए के प्राथमिकता ल ध्यान म रखत सरलग काम करे जात हे।
ये उपलब्धि प्रधानमंत्री आवास योजना के लक्ष्य केवल मकान बनाना भर न ही, बल्कि हर ग्रामीण परिवार ल सम्मानजनक जीवन देना हे। नवगठित सक्ति जिला म सफलता टीमवर्क, समर्पण अऊ गांव वाले मन के सहयोग के परिणाम हे। ये उपलब्धि शासन के योजना मन के लाभ पात्र परिवार मन तक पहुंचाए खातिर म सबो विभाग मन के सामूहिक उदीम मन ले ही ये सफलता संभव होइस।