पीएम आवास योजना ह दे आत्मसम्मान के नवा आसरा
नारायणपुर, प्रधानमंत्री आवास योजना ह देशभर के लाखों जरूरतमंद परिवार मन ल सम्मानजनक अऊ सुरक्षित घर के अधिकार देके ऊंखर जीवन म नवा भरोसा जगाए हे। इही कड़ी म अबूझमाड़ के सुदूर वनांचल क्षेत्र ओरछा म घलोक ये योजना बदलाव के नवा कहानी लिखत हे। मुख्य कार्यपालन अधिकारी जनपद पंचायत ओरछा अऊ ब्लॉक समन्वयक के मार्गदर्शन म आवास निर्माण काम समयबद्ध तरीका ले पूरा करे जात हे।
पीएम जनमन आवास योजना विशेष रूप ले कमजोर जनजातीय समूह (PVTG) खातिर शुरू करे गए एक महत्वपूर्ण पहल हे। एकर लक्ष्य तीन बछर के भीतर लाभार्थी मन ल सुरक्षित घर, स्वच्छ पेयजल, बिजली, शिक्षा, स्वास्थ्य अऊ बुनियादी सुविधा मन ले जोड़ना हे। दूरस्थ क्षेत्र मन म रहे के सेती जेन पीवीटीजी परिवार सरकारी योजना मन ले वंचित रह गे रहिन, ए योजना के माध्यम ले ओ मन ल स्थायी घर के संगे-संग मनरेगा के तहत रोजगार अऊ जरूरी सुविधा ठउका करे जात हे।
इही योजना ह विकासखण्ड ओरछा के ग्राम कोहकामेटा के रहवइया मोड्डे बाई, पति मसिया के जीवन म घलोक बड़ा बदलाव लाए हे। मोड्डे बाई पहिली अपन परिवार के संग एक कच्ची अऊ जर्जर घर म रहत रहिस। हर मौसम के मार वोखर जीवन ल अऊ कठिन बना देत रहिस। परिवार के भरण-पोषण मजदूरी ले करइया मोड्डे बाई खातिर पक्का मकान बनवाना मात्र एक सपना बनके रह गए रहिस।
जब ओ ल प्रधानमंत्री आवास योजना के जानकारी मिलीस, त वो ह आवेदन करिस। सर्वेक्षण के बाद वोखर खाता म मकान निर्माण बर 2 लाख रूपिया पास होइस। अपन सपना ल हकीकत म बदले खातिर मोड्डे बाई ह खुद निर्माण काम म हाथ बंटाइ। आज ओखर परिवार पक्का, सुरक्षित अऊ सुखद घर म रह रहत हे।
भावुक होत मोड्डे बाई ह कहिस के ये सिरिफ एक मकान भर नो हे, भलुक मोर सपना अऊ आत्मसम्मान ये। ए मकान ह मोला वो सम्मान देहे हे, जेन मोला जीवन म कभू नइ मिलीस।
वो ह प्रधानमंत्री श्री नरेंद्र मोदी अऊ प्रदेश के मुख्यमंत्री श्री विष्णुदेव साय के प्रति आभार व्यक्त करत कहिस के ये योजना वोखर परिवार खातिर वरदान साबित होए हे।
मोड्डे बाई के बदलिस जीवन, कच्ची ले पक्की घर के सपना होइस पूरा
