बलौदाबाजार, 06 सितमबर 2024। बलौदाबाजार म प्रधानमंत्री आवास योजना म तेजी लाय अउ समस्या के समाधान खातिर कलेक्टर दीपक सोनी के बताए रद्दा अउ जिला पंचायत सीईओ दिव्या अग्रवाल के हुकुम म जिला के कई ठन गांव मन म आज संझा आवास चौपाल के आयोजन करे गीस। जेमां जनपद कसडोल अंतर्गत ग्राम मोहतरा, कोट, घटमड़वा, औरेठी, पुलेनी, सिमगा जनपद अंतर्गत ग्राम दरचुरा, अड़बंधा, पौसरी, कामता, पलारी जनपद अंतर्गत ग्राम छेरकापुर, सोनार देवरी, बलौदाबाजार जनपद अंतर्गत सकरी, रसेड़ा, पनगांव के घर हितग्राही मन के चौपाल बलाके घर बनाए म आवत समस्या मन के संबंध म चर्चा करे गीस अउ समय सीमा म आवास निर्माण पूरा करे बर हितग्राही मन ल प्रेरित करे गीस।
कुछ हितग्राही मन कोति ले आवास निर्माण करे म सेंट्रिंग अउ मिस्त्री के समस्या बताए गीस जेन ल दूर करे बर एडीईवीओ, तकनीकी सहायक, अउ पंचायत सचिव ल निर्देशित करे गए हे।