प्रधानमंत्री आवास योजना ह बदलिस ज़िंदगी

जांजगीर-चांपा, जिला के विकासखंड अकलतरा अंतर्गत ग्राम पंचायत बनाहिल के रहवइया हरप्रसाद खातिर पक्का घर कभू सिरिफ एक सपना रहिस। सीमित आय अऊ आर्थिक तंगी के सेती ओ कइ बछर ले खपरा अऊ टीन के छत वाला कच्चा मकान म रहत रहिस। बरसात के मौसम वोखर बर सबले कठिन होवय। संसाधन मन के अभाव म न तो नवा घर बनाना वोखर बर संभव रहिस अऊ न ही जुन्ना छप्पर के समुचित मरम्मत।
अइसन समय म शासन के महत्वाकांक्षी प्रधानमंत्री आवास योजना हरप्रसाद के जीवन म आशा के नवा किरण बनके आइस। वित्तीय साल 2024-25 म योजना अंतर्गत ओखर घर पास होइस अऊ 1.20 लाख रूपिया के सहायता राशि वोखर खाता म अंतरित करे गीस। एखर से वो ह अपन पक्‍का मकान के निर्माण काम पूरा कराइस, जेन साल 2025-26 म साकार होइस। आज श्री हरप्रसाद अपन परिवार के संग पक्‍का मकान म रहत हे। अब ओ मन ल न बारिश के भय हे अऊ नइ ही असुरक्षा के चिंता। प्रधानमंत्री आवास योजना के संगे-संग ओ मन ल महात्मा गांधी नरेगा के अंतर्गत 90 दिन के रोजगार, प्रधानमंत्री उज्ज्वला योजना ले एलपीजी गैस कनेक्शन अऊ स्वच्छ भारत मिशन के तहत शौचालय के घलोक निर्माण जइसे योजना मन ह ऊंखर जीवन स्तर म उल्लेखनीय सुधार करे हे। हरप्रसाद कहत हे के प्रधानमंत्री आवास योजना जइसे योजना मन गरीब परिवार मन ल केवल घर, बल्कि सम्मान, सुरक्षा तको देवत हे।