जसपुर, 19 सितमबर 2024। प्रधानमंत्री आवास योजना ह देशभर के कई आवासहीन परिवार बर एक नवा उम्मीद जगाए हे। बेघर परिवार ल ए योजना के माध्यम ले मिलत पक्का मकान ह न केवल मनखे मन के जीवन स्तर ल ऊपर उठाए हे, भलुक ओ मन ल एक सुरक्षित अऊ स्थायी घर घलोक प्रदान करत हे।
इही योजना के तहत जशपुरनगर के श्री कमलेश भगत के सपना घलोक साकार होइस। मजदूरी करके परिवार के भरण-पोषण करइया कमलेश भगत बर पक्का मकान बनाना एक सपना जइसे रहिस, जेन ल प्रधानमंत्री शहरी आवास योजना ह साकार करिस। कच्ची झोपड़ी म रहत भगत अऊ वोखर परिवार ल कई समस्या के सामना करना परत रहिस, विशेषकर बरसात के मौसम म। छत ले पानी टपकत रहिस, जेखर से घर म रहना मुश्किल हो जात रहिस। एखर अलावा, लइका मन के पढ़ाई म घलोक बाधा उत्पन्न होत रहिस। ए मुश्किल समय म प्रधानमंत्री आवास योजना ऊंखर जीवन म नवा अंजोर लेके आईस।