प्रधानमंत्री आवास योजना के तहत मिले पक्का घर ह जीवन म लाईस खुशहाली
कबीरधाम, 22 सितमबर 2024। जिला मुख्यालय कबीरधाम ले 62 किलोमीटर दरिहा पोलमी गांव के रहवइया बाबूलाल के जीवन म एक नवा अध्याय तब शुरू होइस जब ओ ल प्रधानमंत्री आवास योजना के अंतर्गत अपन पक्का घर मिलीस। बाबूलाल, जेन पहिली कच्चा मकान म अपन परिवार के संग रहत रहिस, बारिश के मौसम म परेशानि के सामना करत रहिस। ओखर जुन्ना घर कमजोर रहिस, भिथिया म दरार रहिस, अऊ छत ले पानी टपकत रहिस। मानसून के आना वोखर बर चिंता के सबब होत रहिस। बाबूलाल के आर्थिक स्थिति अइसन नइ रहिस के ओ खुद अपन पक्का मकान बना सकय। वोखर कमाई के बड़का हिस्सा परिवार के दैनिक खर्चा म चल देत रहिस। फेर जब प्रधानमंत्री आवास योजना के जानकारी ओ ल मिलीस, त वो ह ए योजना के तहत आवेदन करिस। कुछ समय बाद ओ ल योजना के तहत स्वीकृति पत्र प्राप्त होइस अऊ वोखर सपना के घर बने के प्रक्रिया शुरू हो गे।
