बिलासपुर, 23 सितमबर 2024। प्रधानमंत्री आवास योजना ले गरीब परिवार के पक्का घर के सपना साकार होवत हे। ओ मन ल कच्चा मकान म होवइया दिक्कत मन ले मुक्ति मिलत हे। बिलासपुर जिला के कोटा विकासखण्ड के भरदैयाडीह पंचायत के आश्रित ग्राम जेंजराडीह के अजय शिकारी ह बताइस के पहिली ओखर घर माठी के रहिस, जेखर से परिवार ल बहुत अकन समस्या ले जूझे ल परत रहिस। कच्चा मकान म बारिश के दिन म पानी चूहे अऊ भीळिाया के आद्दा हो जाए ले जीवन-यापन करना मुश्किल हो जात रहिस। संगेच कच्चा मकान म कीड़ा-मकोड़ा अऊ जहरीला जीव-जन्तु मन के घलोक खतरा बने रहत रहिस।
जेंजराडीह के अजय शिकारी ह बताइस के प्रधानमंत्री आवास योजना (ग्रामीण) ले अब पक्का मकान मिले ले ए सबो परेशानी मन ले निजात मिलही। योजना के तहत घर बनवाए बर चार किस्त म पइसा सीधा ओखर बैंक खाता म मिले हे। ओखर मकान अब जल्दी पूरा होवइया हे। अजय शिकारी बताइस के हमर जइसे रोजी-मजदूरी करइया गरीब परिवार बर पक्का घर मिलना कोनो सपना ले कम नइ हे। सरकार के मदद ले हमर एक बड़का सपना पूरा होवत हे। ए जनहितैषी संवेदनशील योजना बर ओ ह राज्य अऊ केंद्र सरकार के प्रति आभार जताए हे।
यह समाचार हिन्दी में इस कड़ी पर उपलब्ध है।
