प्रधानमंत्री आवास ले मिलीस पक्का छत, सपना होइस साकार

दुर्ग, ये कहानी हे एक अइसे हितग्राही के जे ह प्रधानमंत्री आवास ले पाइस अपन सपना के घर। ग्राम पंचायत मटारा के निवासी प्रेमलाल साहू पिता जीवराखन साहू बतात हे के ’’मोर सपना रहिस के हमरो पक्का मकान होतिस, फेर आर्थिक स्थिति खराब होए के सेती मै अपन घर नइ बनवा पात रहेंव। मोर कच्ची दीवार वाले बहुतेच जुन्ना घर रहिस, जेखर उपर पन्नी तान के गुजर-बसर चलत रहिस, बरसात के दिन म जब मुसलाधार बारिश होत रहिस तब मोर घर म चारो कोति पानी भर जात रहिस।’’ इही बीच प्रेमलाल साहू ल ग्राम पंचायत ह शासन कोति ले प्रधानमंत्री आवास योजना (ग्रा.) साल 2020-21 के तहत् घर पास होए के सूचना दीस। कुछ दिन बाद जब वो ह बैंक जाके पता लगाइस तब वोखर बचत खाता म योजना के तहत् पहिली किश्त 25 हजार रू के राशि जमा हो गए रहिस, फेर वो ह अपन घर बनवाना चालू कर दीस। कुल स्वीकृत राशि 1 लाख 20 हजार के राशि प्राप्त हो गे, जेखर से आज ओखर अच्छा पक्का मकान बन के तैयार हो गे। जेमां एक किचन एक शौचालय अऊ दू रूम हे। प्रेमलाल, अपन धर्म पत्नी अऊ 3 लइका मन के संग अपन पक्का मकान म खुशी ले अपन जीवन बीतावत हे।