फूलदास अऊ गौरी बाई के सपना होइस पूरा मिलिस मूड़ म छत

रायपुर, कइ बछर ले कच्चा अऊ अस्थायी मकान म जीवन गुजारत पाली विकासखंड के ग्राम परसदा निवासी फूलदास अऊ वोखर पत्नी गौरी बाई के जीवन म अब खुसी के नवा छत ढलइया हे। केंद्र सरकार के प्रधानमंत्री आवास योजना के अंतर्गत ओ मन ल घर के स्वीकृति मिले के बाद उंखर कइ बछर के जुन्ना सपना साकार होवत हे।
मजदूरी करके परिवार के पेट पलइया फूलदास ल कभू ये भरोसा नइ रहिस के ओखरो एक दिन पक्का घर होही। फेर जइसनहे नवंबर 2024 म ओखर नाम पीएम आवास के सूची म सामिल होइस, वोखर जीवन के दिशा ही बदल गए। योजना के पहली किश्त खाता म आतेच वो ह घर बनाए के काम शुरू कर दीस। आज नेंव ले लेके भिथिया खड़े हो गे हे अऊ थोरहे दिन म छत घलोक ढल जाही।
गौरी बाई भावुक होके कहिस के अब हमू ल समाज म इज्जत ले जीए के मौका मिले हे। ये मकान हमार बर सिरिफ चार दीवारी भर नो हे, बल्कि सरकार के मदद ले मिले नवा जिंदगी हे। फूलदास अऊ गौरी बाई प्रधानमंत्री अऊ मुख्यमंत्री ल धन्यवाद देवत कहिन के पीएम आवास योजना सचमुच गरीब मन बर एक वरदान हे। एखर से ओ मन ल सिरिफ पक्का मकान भर नइ मिले हे, भलुक जीवन म स्थायित्व अऊ आत्मसम्मान घलोक प्राप्त होय हे।