कच्चा घर ले पक्का सपना तक — प्रधानमंत्री आवास योजना ह घासी राम के जीवन म बगराइस अंजोर

अम्बिकापुर, सरगुजा जिला के लखनपुर जनपद के ग्राम निम्हा के घासी राम कभू माटी के घर म गरीबी अऊ अभाव के बीच जीवन गुजारत रहिस। खेती-बाड़ी अऊ दिहाड़ी मजदूरी ले कइसनहो गुजारा चलत रहिस, फेर पक्‍का घर के सपना हमेशा अधूरा रहिस। प्रधानमंत्री आवास योजना (ग्रामीण) ह वोखर ए अधूरा सपना ल हकीकत म बदल दीस। साल 2024-25 म योजना के तहत ओखर आवास पास होइस अऊ किस्त म मिले पइसा ले वो ह मेहनत करके एक सुंदर, मजबूत अऊ सुरक्षित पक्का मकान बना लीस।
घासी राम बताथे के पहिली बरसात म चूहत छत अऊ कमजोर भिथिया मन ले परिवार हमेशा चिंतित रहत रहिस, फेर अब ओखर घर सुरक्षित हे। सरकार के योजना मन ह ओ मन ल आत्मविश्वास अऊ स्थायित्व देहे हे। स्वच्छ भारत मिशन के तहत बने शौचालय अब ऊंखर परिवार के स्वच्छता अऊ सम्मान के चिनहा हे। उज्ज्वला योजना ले मिले गैस कनेक्शन ह रसोई ल धुंगिया ले मुक्‍त कर देहे हे, जबकि सौभाग्य योजना ले मिले बिजली कनेक्शन वोखर घर ल रोशन करत हे।
प्रधानमंत्री आवास योजना के संग ए योजना मन के संयोजन ह न केवल ऊंखर जीवन स्तर ल सुधारे हे, बल्कि आत्मनिर्भरता के रद्दा घलोक देखाए हे। घासी राम कहत हे — “अब हमार लइका मन के मूड़ म पक्की छत हे, चिंता न ही, गरब हे।”
उंखर ये कहानी बताथे के प्रधानमंत्री आवास योजना (ग्रामीण) सिरिफ घर नइ देवय, भलुक आत्मसम्मान, सुरक्षा अऊ आशा के नवा आधार बनाथे।