प्रधानमंत्री आवास योजना: मनखे मन के पक्का मकान के सपना होवत हे पूरा

मनखे मन ल मिलत हे अपन सपना के घर
चार हजार ले जादा हितग्राही मन ल गृह प्रवेश कराके सउंपे गीस मंजा के चाबी
जशपुर। प्रदेशभर म मनखे मन के पक्का मकान के सपना साकार होवत हे। केन्द्र अऊ राज्य सरकार के महत्वाकांक्षी अऊ जनकल्याणकारी योजना, प्रधानमंत्री आवास योजना ले शहरी अऊ ग्रामीण क्षेत्र मन म निवासरत मनखे मन के अपन पक्का घर के सपना पूरा होवत हे।
मुख्यमंत्री श्री विष्णुदेव साय अऊ पंचायत अउ ग्रामीण विकास विभाग के सरलग उदीम ले प्रधानमंत्री आवास योजना ग्रामीण अंतर्गत जशपुर जिला के 4 हजार 322 गांव वाले मन ल पक्का घर मिले हे। ए आवास मन के निर्माण काम पूरा होए के पाछू हितग्राही मन के गृह प्रवेश अऊ ऊंखर चाबी सौंपे बर राज्यव्यापी गृह प्रवेश उत्सव के आयोजन करे गीस। प्रदेश के ग्रामीण परिवार मन ल ऊंखर नवा नव बने प्रधानमंत्री अवास म गृह प्रवेश कराए गीस।
जशपुर जिला कलेक्टर श्री रोहित व्यास के दिशा-निर्देशन म प्रधानमंत्री आवास योजना के काम के सरलग समीक्षा अऊ निगरानी करके जल्द ले जल्द काम ल पूरा कराए के उदीम ले 4322 घर पूरा होए हे ए पूरा होए आवास मन म हितग्राही मन ल गृह प्रवेश के कार्यक्रम के माध्यम ले प्रवेश कराए गीस अऊ ओ मन ल घर के चाबी  सउंपे गीस।