कांकेर, प्रधानमंत्री अवास योजना ले गरीब अऊ बेघर परिवार के मूड़उपर छांधी मिलत हे। अइसन मनखे मन के सपना साकार होवत हे जेन पक्का घर के सिरिफ कल्पना ही कर सकत रहिन। जिला मुख्यालय कांकेर ले लगे ग्राम दसपुर के श्री द्वारिका रजक इही म ले एक हे जे ह अपन मेहनत अऊ प्रधानमंत्री अवास योजना के मदद ले अपन परिवार बर एक नवा मकान के सपना साकार करे हे। ओ ह ग्राम सरंगपाल म कपड़ा प्रेस के दुकान चलाथे। ओखर पत्नी रोजी-मजदूरी करथे अऊ बेटा राज मिस्त्री के काम करत अपन परिवार के संग अब पक्का मकान म निवास करत हे।
प्रधानमंत्री अवास योजना ले राशि मिले ले अब उमन अपन बर एक नवा, पक्का अऊ सुरक्षित मकान बनवाए हे। ए नवा मकान म ओखर परिवार हंसी-खुशी जीवन बितावत हे। श्री रजक ह अपन नवा आशियाना बर प्रधानमंत्री श्री नरेंद्र मोदी अऊ मुख्यमंत्री श्री विष्णुदेव साय के आभार व्यक्त करे हे। ओखर कहना हे कि प्रधानमंत्री अवास योजना ले ओला न केवल मकान मिलीस, भलुक परिवार के खुशि घलोक बाढ़ी हे। ये योजना गरीब परिवार बर एक वरदान हे, जेन ओ मन ल पक्का छत अऊ सम्मानजनक जीवन जीए के अवसर देवत हे।