नारायणपुर, प्रधानमंत्री आवास योजना ले निर्धन परिवार के पक्का मकान के सपना साकार होवत हे, अब ओ मन ल कच्चा मकान ले होवइया दिक्कत मन ले मुक्ति मिलत हे। प्रधानमंत्री आवास योजना के तहत् देश के गरीब अऊ बेघर मनखे मन ल घर बनवाए बर सहायता राशि देहे जाथे अऊ ए राशि के मदद ले गरीबी रेखा के नीचे जीवन यापन करइया नागरिक खुद के घर बनाए म सक्षम हो पात हें, ए योजना के संग बेघर अऊ गरीब नागरिक ल घर देहे के काम सरकार ह सरलग करत हे। एकरे तहत् नारायणपुर जिला के विकासखण्ड ओरछा, ग्राम पंचायत झारावाही ग्राम डुटाखार निवासी सुदू राम ह सरकार के आभार जताए हे। सुदूराम बतात हे के में मजदूरी करके जीवन यापन करथंव। प्रधानमंत्री आवास बनाए के सपना विष्णु देव साय के सरकार म पूरा होइस। जब ले प्रधानमंत्री आवास बनके पूरा होय हे तब ले अब रात के चैन के नींद सुतत हंव। पहिली कच्चा छत खपरैल के घर होए के सेती हमला बहुत अकन समस्या ले जूझे ल परत रहिस।
कभू सोचे घलोक नइ रहेन के मोरो एक पक्का मकान बनही। देश के प्रधानमंत्री नरेन्द्र मोदी के गारंटी अऊ प्रदेश के मुख्यमंत्री श्री विष्णु देव साय के सुशासन ह हमर तकदीर ल बदल दीस। सुदूराम अब अपन परिवार के संग नवा घर म रहत हे। अब वो कोनो स्थिति के सामना करे बर तैयार हे वो पक्का मकान के मालिक हे। सुदूराम ह बताइस के वो स्वच्छ भारत मिशन अंतर्गत शौचालय अउ उच्चल योजना अंतर्गत गैस कनेक्शन ले लाभन्वित हे। सुदूराम अऊ वोखर परिवार ह योजना के तहत् पक्का मकान बने म प्रधानमंत्री श्री नरेन्द्र मोदी, मुख्यमंत्री श्री विष्णुदेव साय ल धन्यवाद ज्ञापित करे हे।
