एमसीबी : प्रधानमंत्री आवास योजना ले पार्वती बैगा ल मिलीस पक्का घर

एमसीबी,  प्रधानमंत्री आवास योजना (पीएमएवाय) ह देश के लाखों गरीब परिवार के जीवन ल बदले के काम करत हे अऊ ओमां ले एक एमसीबी जिला के पार्वती बैगा घलोक हे। पार्वती बैगा जेन एक गरीब परिवार के हे। वोला ए योजना के तहत एक पक्का घर मिले हे, जेखर से वोखर जीवन म एक नवा उम्मीद अऊ स्थिरता आए हे। पार्वती बैगा पहिली एक अस्थायी झोपड़ी म रहत रहिस। जिहां बुनियादी सुविधा के भारी कमी रहिस। फेर प्रधानमंत्री आवास योजना के तहत ओखर नाम चुने गीस, फेर ओ ल एक पक्का घर बनाए बर वित्तीय सहायता देहे गीस। सरकार ले मिले सहायता ले पार्वती ह अपन परिवार बर एक सुरक्षित अऊ मजबूत घर बनवाइस, जेमां शौचालय, बिजली अऊ पानी जइसे जरूरी सुविधा घलोक हे। पार्वती बैगा ह बताइस, हमार तिर एक स्थायी घर नइ रहिस, अऊ बारिश के मौसम म हमला बहुत दिक्कत के सामना करना परत रहिस। प्रधानमंत्री आवास योजना के सेती आज हमार पास अपन खुद के घर हे। अब हम सुरक्षित महसूस करत हन अऊ अपन लइका मन ल बेहतर भविष्य दे सकत हन।