पक्का मकान म एकल बत्ती कनेक्शन के मिलिस सुविधा
सुकमा, 13 जुलाई 2024। अपन खुद के घर के सपना सबो देखथे। खुद के एक पक्का मकान होवय, जेमां वो परिवार के संग सुख ले जीवन यापन करय। मुख्यमंत्री श्री विष्णु देव साय के सरकार ह ए दिशा म बेहतर काम करत सुकमा जिला म जरुरतमंद बर पीएम आवास योजना के तहत पहली प्राथमिकता के संग घर निर्माण के स्वीकृति दे गीस। एखर परिणामस्वरुप पूरा सुकमा जिला म तेजी ले पीएम आवास योजना के तहत निर्माण काम जारी हे। पीएम आवास योजना शहरी अउ ग्रामीण के तहत हजारों लाभार्थी मन ल बकाया किश्त जारी होए के बाद अब अधिकांश मनखे मन के मकान पूरा हो गए हे।
सुकमा जिला के जनपद पंचायत छिन्दगढ़ के ग्राम पंचायत किन्दरवाड़ा निवासी लाभान्वित हितग्राही श्री जयसिंह उर्फ राजूराम ह बताइस कि पहिली अपन परिवार म पत्नी श्रीमती श्यामबती नाग अऊ पुत्र अमित नाग के संग जुन्ना कच्चा छत अऊ माटी के भिथिया वाले झोपड़ी म रहत रहिस। जेमां रहे बर परिवार के संग अडबड़ दिक्कत के सामना करना परता रहिस, कच्चा छत होए के सेती हमेशा बारिश के समय छत ले पानी टपके के सेती पूरा परिवार कई रात बने सहिन सुत घलोक नइ पात रहिस। वो ह बताइस के हमर आय खेती अउ गांव म ही मजदूरी उपर निर्भर हे। साीमित आय होए के सेती आर्थिक स्थिति अइसन नइ रहिस कि हम पक्का मकान बना पान। वो ह बताइस के गांव म ही ब्लॉक कोर्डिनेटर सुश्री नेहा मंडावी ह पीएम आवास के बारे म जानकारी दीस।
हितग्राही जयसिंह ह बताइस कि शासन से संचालित जनकल्याणकारी योजना प्रधानमंत्री आवास योजना (ग्रामीण) के तहत आवास के स्वीकृति के बाद, देखतेच देखत पूरा किश्त मिले ले हमार बरसों के घर बनाए के सपना पूरा हो गे। अपन पक्का आवास के निर्माण म मनरेगा ले मजदूरी भुगतान पाए के संग स्वच्छ भारत मिशन ले शौचालय निर्माण अउ दीनदयाल उपाध्याय ग्राम ज्योति योजना के तहत एकलबत्ती कनेक्शन ले बिजली संग सबो जरूरी सुविधा मिल गे। पक्का मकान म अपन परिवार के संग खुशी से जीवन यापन करत हे। जयसिंह ह अपन पक्का घर म निवास करके खुशी जाहिर करत मुख्यमंत्री श्री विष्णु देव साय के धन्यवाद व्यक्त करे हे।