सक्ती, 30 सितंबर 2024। मुख्यमंत्री श्री विष्णु देव साय के सुशासन के सरकार ह आवासहीन परिवार ल पक्की छत देहे बर बाना उंचाए हे। छत्तीसगढ़ सरकार के इही पहल ले सक्ती जिला के तहसील नवा बाराद्वार अंतर्गत ग्राम पलाड़ीकला निवासी 72 बछर के गोरेलाल यादव के अपन पक्का मकान बनाए के सपना पूरा होवइया हे। पक्का घर बनवाए बर पहली किस्त मिले अउ काम शुरू होए ले गोरेलाल यादव बहुतेच उत्साहित हे l वो ह कहिस के कच्चा मकान के जगा अब मै सुन्दर पक्का मकान बनाके परिवार के संग सुख शांति ले रइहूं l
सक्ती जिला के ग्राम पंचायत पलाड़ीकला निवासी गोरेलाल यादव के प्रधानमंत्री आवास योजना ले पक्का मकान बनाए के सपना अब पूरा होवइया हे। गोरेलाल यादव ह बताइस के ओखर मकान मिट्टी अऊ खप्परा के रहिस, अब वोकर पक्का मकान बन जाय ले वोकर परेशानी दूर हरोही। वो ह एखर बर प्रधानमंत्री श्री नरेन्द्र मोदी अऊ मुख्यमंत्री श्री विष्णु देव साय ल धन्यवाद देहे हे।
