प्रधानमंत्री जनमन आवास योजना ले कमार मन के जीवन म आइस ठहराव

धमतरी, प्रधानमंत्री श्री नरेंद्र मोदी के मंशा मुताबिक मुख्यमंत्री श्री विष्णु देव साय के अगुवइ म छत्तीसगढ़ सरकार समाज के आखरी मनखे तक विकास पहुंचाए के संकल्प ल साकार करत हे। प्रधानमंत्री जनमन योजना, विशेष पिछड़ी जनजाति मन के जीवन स्तर म अभूतपूर्व बदलाव लावत हे। ए समाज के हजारों मनखे मन ल अब सुरक्षित घर, स्वच्छ जल अऊ मूलभूत सुविधा मिलत हे। जनमन योजना केवल एक आवास योजना नइ हे, बल्कि ये सामाजिक समावेशन, स्वच्छता, शिक्षा अऊ रोजगार के अवसर ल घलोक संग लेके चलत हे।
प्रधानमंत्री जनमन आवास योजना के सकारात्मक असर राज्य के कई जिला म निवासरत विशेष पिछड़ी जनजाति कमार परिवार मन के जीवन म दिखायी देहे लगे हे। अपन अलग संस्कृति ल सहेजे कच्चा झोपड़ी नुमा मकान मन म रहिके अपन जीवन यापन करइया विशेष पिछड़ी जनजाति मन के जीवन म स्थिरता आए लगे हे अऊ ये स्थिरता प्रदान करे हे, प्रधानमंत्री जनमन आवास योजना। शासन के योजना जब धरातल म सही ढंग ले कार्यान्वित होथे, त आम नागरिक के जीवन म सकारात्मक  बदलाव होथे।
धमतरी जिला के मगरलोड विकासखंड के ग्राम सिंगपुर निवासी श्री समारू के जीवन म बदलाव अब साफ देखे ल मिलत हे। समारू राम ल अब प्रधानमंत्री जनमन योजना के तहत् आवास योजना के संग – संग आन योजना मन के घलोक लाभ प्रदान करे जात हे। उमन बताइन के ओ मन बचपन ले इही गांव म निवासरत हे। वोखर पास खुद के संपत्ति के रूप म जेन कुछ रहिस, वो रहिस पुश्तैनी जर्जर कच्चा मकान। हर एक मनखे के जइसे ओखरो इच्छा रहिस के ओखर खुद के पक्का मकान होवय, ए सपना ल प्रधानंत्री जनमन योजना ह पूरा करिस। योजना के जानकारी मिलतेच समारूराम ह अपन आवस बनवाए बर आवेदन करिस, ग्राम सभा के अनुमोदन के बाद ओखर चयन पक्का घर बनाए बर करे गीस। योजनांतर्गत ओखर बैंक खाता म पहली किस्त आतेच समारू ह मकान निर्माण के नींव रखीस अऊ शासन के सहयोग ले देखतेच देखते सुंदर घर के सपना सकार होइस। समारू राम जेन कइ बछर ले कच्चा मकान म कठिन परिस्थिति मन म अपन जीवन यापन करत रहिस, ओ अब प्रधानमंत्री जनमन योजना के तहत बने पक्का घर म कुटुंब के संग सम्मानजनक सुरक्षित जीवन जीयत हे। वोखर चेहरा म उमंग साफ देखे जा सकत हे।