प्रधानमंत्री जनमन आवास योजना ले समारू बैगा के सपना होइस साकार

अब छत्तीसगढ़ म लाखों परिवार पावत हे पक्‍का घर के सुख
गौरेला , प्रधानमंत्री जनमन आवास योजना ह छत्तीसगढ़ के आकांक्षी ब्लॉक गौरेला के ग्राम पंडरीपानी के रहवइया समारू बैगा के जीवन म नवा अंजोर भर देहे हे। सीमित आय अऊ कठिन परिस्थिति म गुजर-बसर करत समारू बैगा अब अपन परिवार के संग एक पक्‍का, सुरक्षित अऊ सम्मानजनक घर म रहत हे। अड़बड़ बेरा ले कच्चा अऊ जर्जर मकान म रहइया समारू खातिर पक्का घर बनाना एक अधूरा सपना रहिस, फेर अब ये सपना हकीकत बन चुके हे। साल 2023-24 म ए योजना के अंतर्गत वोखर बर घर पास होइस अऊ अब ओ अपन परिवार के संग मजबूत, सुंदर अऊ सुरक्षित घर म रहत हे।
समारू बैगा ह खुशी जाहिर करत कहिस, “पहिली हमर परिवार हर मौसम म परेशान रहत रहिस, बरसा म छांधी चूहय, जाड़ म कंपकपी छूटय अऊ गर्मी म गरेरा के सामना करना परत रहिस। अब प्रधानमंत्री जनमन आवास योजना ले मिले पक्का घर हमार जीवन के सबले बड़का सौगात हे। प्रधानमंत्री श्री नरेंद्र मोदी जी अऊ मुख्यमंत्री श्री विष्णुदेव साय जी के मैं धन्यवाद करत हंव, जे ह हमला अइसन सम्मानजनक जीवन दीस।”