जीपीएम, जिला म विशेष पिछड़ी जनजाति बैगा बहुल गौरेला विकासखंड के ग्राम धनौली के अकलू बैगा के जीवन म प्रधानमंत्री जनमन आवास योजना नवा अंजोर बनके आए हे। कइ बछर तक माटी अऊ खदर के झोपड़ी म मौसम के मार झेलइया अकलू बैगा के पक्का घर होए के सपना अब साकार हो गए हे।
खेती-किसानी ले परिवार के गुजारा करइया अकलू बैगा बताथे के बरसात म चूहत छांधी, जाड़ के ठिठुरन अऊ गरमी के गरेरा ह जीवन ल कठिन बना देहे रहिस। आर्थिक स्थिति कमजोर होए के सेती पक्का घर बनाना उंखर बर संभव नइ रहिस। फेर साल 2024-25 म प्रधानमंत्री जनमन आवास योजना के अंतर्गत मिले स्वीकृति अऊ वित्तीय सहायता ह ओखर जीवन ही बदल दीस।
आज अकलू बैगा अपन परिवार के संग पक्का, सुसज्जित अऊ सुरक्षित घर म खुशहाल जीवन बितावत हे। वोखर आंखी म अब आत्मविश्वास के चमक अऊ चेहरा म मुस्कान हे। ओ भावुक होके कहत हे, “अब मोर परिवार ल मौसम के मार ले राहत मिले हे। ये घर हमार बर सिरिफ घर भर नो हे, बल्कि आत्म-सम्मान अऊ सुरक्षा के चिनहारी ये। मैं प्रधानमंत्री नरेंद्र मोदी अऊ मुख्यमंत्री विष्णुदेव साय जी के हिरदे ले धन्यवाद करत हंव।”
पक्का घर ले मिलीस नवा जिंदगी : प्रधानमंत्री जनमन आवास योजना ले बदल गे बैगा परिवार के जीवन
