बिलासपुर, 12 अगस्त 2024। बिलासपुर जिला प्रशासन अऊ पशुधन विकास विभाग कोति ले प्रधानमंत्री जनमन योजना के तहत कोटा विकासखंड के ग्राम नागचुवा अऊ धुमा के विशिष्ट पिछड़ी जनजाति बैगा परिवार मन ल निःशुल्क 20 जोड़ी बइला प्रदान करे गीस। बइला मिल जाय ले बहुत पिछड़ी जनजाति के ए बैगा परिवार मन के खेती-किसानी के रद्दा आसान होही। पशुधन विकास विभाग कोति ले घुमंतु पशु मन ल प्रशिक्षित करके कृषि काम बर ये 20 जोड़ी बइला देहे गए हे। बैगा परिवार मन ल बैल जोड़ी सौंपे के समय ग्राम पंचायत नागचुवा के सरपंच ईश्वरी बाई खुसरो, धुमा के उप सरपंच संतोष बघेल, पशुधन विकास विभाग ले संयुक्त संचालक डॉ. जी.एस.एस. तंवर अऊ वरिष्ठ पशु चिकित्सा शल्यज्ञ डॉ. अनिमेष जायसवाल संग विभागीय अधिकारी अऊ ग्रामीण मौजूद रहिन।
बैगा परिवार ल 20 जोड़ी बइला फोकट म बांटे गीस, खेती के काम अब होही आसान
