जशपुर, मुख्यमंत्री श्री विष्णु देव साय के अगुवई म छत्तीसगढ़ शासन कोति ले प्रधानमंत्री जनमन योजना के तहत जरूरतमंद अऊ कमजोर वर्ग के परिवार मन ल सुरक्षित घर अऊ मूलभूत सुविधा उपलब्ध कराए के दिशा म सरलग उदीम करे जात हे। इही कडी म जशपुर जिला के बगीचा विकासखण्ड अंतर्गत ग्राम पंचायत पंडरापाठ के रहवइया बुचूराम ल प्रधानमंत्री जनमन योजना के तहत पक्का घर मिले हे।
बुचूराम लकड़ी अऊ पैरा ले बने कच्चा घर म परिवार संग रहत रहिस, जेमां बरसा, घाम अऊ जीव-जंतु मन ले ओ मन ल अडबड कठिनाइ के सामना करना परत रहिस। दैनिक मजदूरी करके जीवनयापन करइया बुचूराम आर्थिक रूप ले अतीक सक्षम नइ रहिस के खुदे पक्का मकान बनवा सकय। प्रधानमंत्री जनमन योजना वोखर बर आशा के किरण बनके आईस, जेखर अंतर्गत ओ ल सुरक्षित, स्थायी अऊ पक्का घर उपलब्ध कराए गीस।
बुचूराम ह बताइस के अब वोखर पास प्रधानमंत्री जनमन योजना के घर के संगे संग आधार कार्ड, राशन कार्ड अऊ आयुष्मान कार्ड जइसे महत्वपूर्ण सुविधा घलोक उपलब्ध हे, जेकर सहायता ले ओ ह शासकीय योजना मन के नियमित लाभ प्राप्त करत हे। वो ह कहिस के पक्का मकान मिले ले अब ओखर परिवार सुरक्षित अऊ सम्मानजनक जीवन जीयत हे।
जानबा हे के छत्तीसगढ़ शासन कोति ले विशेष पिछड़ी जनजाति वर्ग के परिवार मन ल प्रधानमंत्री जनमन योजना के माध्यम ले आवासीय सुविधा के संगे संग स्वास्थ्य, राशन अऊ आन मूलभूत जरूरत मन के पूर्ति ठउका करे जात हे। एखर से अइसन परिवार मन ल मुख्यधारा ले जोड़के ओ मन ल सामाजिक अऊ आर्थिक रूप ले सक्षम बनाय जात हे।
प्रधानमंत्री जनमन योजना ले बुचूराम ल मिलीस पक्का घर
