नारायणपुर: प्रधानमंत्री जीवन ज्योति बीमा योजना ले शांति दीदी ल मिलीस दू लाख रूपिया

नारायणपुर, 02 जनवरी 2024। प्रधानमंत्री जीवन ज्योति बीमा योजना भारत सरकार कोति ले समर्थित एक जीवन बीमा योजना ये। ये योजना ल कोलकाता म 9 मई 2015 के भारत के प्रधानमंत्री नरेन्द्र मोदी ह चालू करे रहिन। भारत सरकार कोति ले समाज के गरीब अऊ कम आय वर्ग के विकास बर ये नवा जीवन बीमा योजना ल शुरू करे गए हे। एक शुद्ध अवधि बीमा योजना के रूप म, प्रधान मंत्री जीवन ज्योति बीमा योजना 18 ले 50 साल के आयु वर्ग के मनखे मन बर उपलब्‍ध हे। प्रधानमंत्री जीवन ज्योति बीमा योजना एक नवीकरण अवधि के बीमा पॉलिसी हे, जेन वार्षिक रूप ले जीवन बीमा कवरेज प्रदान करथे। जेन मनखे के बीमा करे गए हे ओ मनखे के आकस्मिक निधन हो जाय म बीमा कम्पनी ओखर कोति ले नामित निमिनी ल 2 लाख रूपिया के आर्थिक मदद देथे। ये बीमा योजना के प्रीमियम दर आन बीमा पालिसी के तुलना म सबसे किफायती हे। एखर बर आप मन ल 436 रूपिया प्रीमियम देना होथे, ये प्रीमियम प्रति साल बर मान्य हे जेकर समय सीमा 1 जून ले 31 मई होथे। नवा साल म बीमा योजना के प्रमियम 436 रूपिया दुबारा देना होथे। ये बीमा योजना के लाभ लेहे बर आप मन ल प्रधानमंत्री जीवन ज्योति बीमा योजना फॉर्म भरके आवेदन जमा करना होथे। ये योजना म आवेदन करे के 45 दिन के बाद बीमा कंपनी कोति ले प्रीमियम चालू कर देहे जाथे। प्रधानमंत्री नरेन्द्र मोदी कोति ले विकसीत भारत संकल्प यात्रा कार्यक्रम चलाए जात हे। यात्रा के तहत् ग्राम पंचायत छोटेडोंगर म आयोजित विकसीत भारत संकल्प यात्रा कार्यक्रम शिविर म श्रीमती शांति पति स्व. आदित्य ल प्रधानमंत्री मंत्री जीवन ज्योति योजना के तहत् ऊंखर पति के बीमा राशि 2 लाख रूपिया के चेक देहे गीस। एखर बर शांति दीदी ह प्रधानमंत्री ल धन्यवाद ज्ञापित करिस।