समृद्ध अऊ खुशहाल किसान – विकसित छत्तीसगढ़ के मजबूत आधार : मुख्यमंत्री श्री साय

प्रधानमंत्री किसान सम्मान निधि के 20वां किश्त के राशि जारी
प्रदेश के 25.47 लाख ले जादा किसान मन के खाता म म 553 करोड़ 34 लाख रूपिया के होइस अंतरण
राज्य के अन्नदाता मन ल अब तक पीएम किसान सम्मान निधि के अंतर्गत मिलीस 9 हजार 700 करोड़ रूपिया के राशि
छत्तीसगढ़ के 2.34 लाख वन पट्टाधारी अऊ 32,500 विशेष पिछड़ी जनजाति के किसान मन ल घलोक मिलत हे योजना के लाभ
रायपुर, सावन के पवित्र महीना म प्रधानमंत्री श्री नरेंद्र मोदी ह वाराणसी (उत्तर प्रदेश) ले देशभर के 9.7 करोड़ ले जादा किसान मन ल पीएम किसान सम्मान निधि के 20वां किश्त के रूप म 20500 करोड़ रूपिया के राशि डीबीटी के माध्यम ले सीधा ऊंखर खाता म हस्तांतरित करिन। ए अवसर म छत्तीसगढ़ के मुख्यमंत्री श्री विष्णु देव साय राजधानी रायपुर स्थित उद्यानिकी अऊ वानिकी विश्वविद्यालय के सभागार ले प्रदेश के किसान मन के संग वर्चुअल माध्यम ले कार्यक्रम ले जुरिन।
प्रधानमंत्री श्री नरेंद्र मोदी ह ए वृहद किसान सम्मेलन ल संबोधित करत कहिन के किसान सम्मान निधि योजना के अंतर्गत 2019 ले अब तक देशभर के किसान मन ल 3.75 लाख करोड़ रूपिया के राशि सीधा ऊंखर खाता म भेजे जात हे।
प्रधानमंत्री ह कहिन के हमर सरकार किसान मन के समृद्धि बर सरलग काम करत हे अऊ पीएम किसान निधि एकर सशक्त उदाहरण हे। श्री मोदी ह कहिन के कृषि विकास म पिछड़े जिला मन बर ‘प्रधानमंत्री धन-धान्य योजना’ के शुरुआत करे गए हे अऊ एखर बर 24 हजार करोड़ रूपिया के प्रावधान करे गए हे। प्रधानमंत्री ह बताइन के सिंचाई योजना मन म घलोक सरकार बड़का पैमाना म निवेश करत हे ताकि खेत मन तक पानी पहुंच सकय अऊ उत्पादन म बढ़ोतरी होवय। प्राकृतिक आपदा मन ले किसान मन ल राहत देहे के उद्देश्य ले ‘प्रधानमंत्री फसल बीमा योजना’ संचालित हे, जेन ओ मन ल संकट ले उबारे के काम करथे। प्रधानमंत्री ह महिला मन के आर्थिक सशक्तिकरण उपर जोर देवत होइन कहिन के 1.5 करोड़ ले जादा महिला मन ‘लखपति दीदी’ बन गे हे अऊ 3 करोड़ के लक्ष्य म ले आधा काम हमन पूरा कर लेहे हन।
मुख्यमंत्री श्री विष्णु देव साय ह प्रदेशवासी मन ल पवित्र श्रावण मास के शुभकामना देवत भगवान महादेव ले छत्तीसगढ़ के सतत् कल्याण, समृद्धि अऊ खुशहाली के कामना करिन। उमन कहिन के प्रधानमंत्री किसान सम्मान निधि योजना ले छत्तीसगढ़ के लगभग 25 लाख ले जादा किसान मन ल 553 करोड़ 34 लाख रूपिया के धनराशि प्राप्त होए हे।
मुख्यमंत्री श्री साय ह प्रदेशवासी मन कोति ले प्रधानमंत्री श्री मोदी के आभार व्यक्त करत कहिन के अन्नदाता मन ल आर्थिक संबल देके ऊंखर मेहनत के सम्मान करे गए हे।
मुख्यमंत्री ह कहिन कि हमर सरकार “मोदी के गारंटी” के जइसे किसान मन के उन्नति बर सरलग समर्पित भाव ले काम करत हे। हमन किसान मन ले जेन वादा करे रहेन, ओला पूरा करे हन। आज छत्तीसगढ़ म किसान मन ल 3100 रूपिया प्रति क्विंटल के दर ले धान के कीमत देहे जात हे, जेन उंखर आय ल अऊ सुदृढ़ करत हे। उमन कहिन के सरकार गठन के दस दिन के भीतर ही 3716 करोड़ रूपिया के 2 साल के बकाया बोनस राशि के भुगतान करके हमन किसान मन के भरोसा ल अऊ मजबूत करे हन। पहिली प्रधानमंत्री श्रद्धेय अटल बिहारी वाजपेयी के अगुवई म ‘किसान क्रेडिट कार्ड योजना’ के शुरुआत होइस, जेन हर खेती-किसानी ल लाभकारी व्यवसाय म बदल दीस। मुख्यमंत्री ह कहिन के एखर से पहिली किसान भारी ब्याज दर म उधार लेके खेती करत रहिन, फेर आज केसीसी (KCC) के माध्यम ले शून्य ब्याज दर म करजा मिलत हे, जेखर से खेती-किसानी अऊ आसान हो गए हे।