प्रधानमंत्री किसान सम्मान निधि योजना बनिस किसान मन के ताकत

आधुनिक खेती कोति आत्मविश्वास से बढ़त हें किसान
बलरामपुर, प्रधानमंत्री किसान सम्मान निधि योजना छत्तीसगढ़ संग देशभर म किसान मन बर आर्थिक संबल के मजबूत आधार बनकर उभरे हे। ये योजना राज्य के किसान मन ल न केवल नियमित आर्थिक सहायता देवत हे, बल्कि ओ मन ल आधुनिक खेती के दिशा म घलोक प्रेरित करत हे।
बलरामपुर जिला के ग्राम सागरपुर के रहवइया किसान सुसेन मण्डल घलोक प्रधानमंत्री किसान सम्मान निधि योजना ले सरलग लाभ प्राप्त करके खेती-किसानी ल सशक्त बनावत हे। हाले म ओ ल योजना के 20वां किस्त के रूप म 2,000 रुपिया के राशि प्राप्त होए हे, जेखर से वो ल खाद-बीज के खरीदी अऊ मजदूरी भुगतान जइसे काम मन म सहुलियत होइस।
सुसेन मण्डल ह बताइस के ओ ह पाछू कई बछर ले ए योजना के नियमित लाभार्थी हे। हर एक किस्त ले ओ ल खेती के जरूरी संसाधन मन के पूर्ति करे म मदद मिलथे, जेखर से खेती काम मन के गति बने रहिथे। वो ह प्रधानमंत्री श्री नरेंद्र मोदी अऊ मुख्यमंत्री श्री विष्णु देव साय के प्रति आभार जतात कहिस के ये योजना किसान मन बर कोनो वरदान ले कम नइ हे।
जानबा हे के प्रधानमंत्री किसान सम्मान निधि योजना के तहत पात्र किसान परिवार मन ल हर साल 6,000 रुपिया के आर्थिक सहायता तीन किश्त म सीधा ऊंखर बैंक खाता म देहे जाथे। एकर उद्देश्य किसान मन ल खेती बर जरूरी निवेश बर वित्तीय सहायता देना हे, ताकि खेती के काम समय म अऊ व्यवस्थित रूप ले संपन्न हो सकय। छत्तीसगढ़ के हजारों किसान ए योजना ले लाभान्वित होके न केवल परंपरागत खेती ल मजबूती देवत हे, बल्कि वैज्ञानिक तरीका अऊ आधुनिक कृषि तकनीक मन ल अपनाके उत्पादन अऊ आय म घलोक बढ़ोतरी करत हे। एखर से राज्य के ग्रामीण अर्थव्यवस्था ल नवा बल मिलत हे अऊ आत्मनिर्भर भारत के संकल्प ल साकार करे के दिशा म एक बड़का कदम सिद्ध होवत हे।