प्रधानमंत्री किसान सम्मान निधि : किसान मन के चेहरा म आईस खुशी के लहर

किसान हितैषी योजना के संचालन बर प्रधानमंत्री के जताइन आभार
मुंगेली, विष्णु के सुशासन म किसान मन ल आर्थिक संबल देहे बर संचालित प्रधानमंत्री किसान सम्मान निधि योजना के अंतर्गत 20वां किस्त के भुगतान अभी होए हे। एखर से जिला के किसान मन के चेहरा म खुशी के लहर देखे ल मिलत हे।
मुंगेली विकासखण्ड के ग्राम धरमपुरा के किसान धनेश्वर बंजारा ह शासन के ए महत्वाकांक्षी योजना के सराहना करत कहिस के सम्मान निधि योजना के अंतर्गत हर साल 06 हजार रूपिया मिले ले खेती-किसानी म आर्थिक रूप ले मदद मिल जाथे। ओ ह ए पइसा के उपयोग खाद बिसाए, सिंचाई उपकरण मन के मरम्मत संग आन किसानी काम मन म करथे। वो ह ए किसान हितैषी योजना के संचालन बर प्रधानमंत्री श्री नरेन्द्र मोदी, मुख्यमंत्री श्री विष्णु देव साय संग शासन-प्रशासन के आभार जताए हे। अइसनहे धरमपुरा गॉव के ही किसान देवकुमार टोण्डे ह शासन के ए योजना के प्रशंसा करिस अऊ शासन-प्रशासन ल धन्यवाद ज्ञापित करे हे।
जानबा हे कि प्रधानमंत्री श्री नरेंद्र मोदी ह उत्तर प्रदेश के वाराणसी म आयोजित किसान सम्मेलन म प्रधानमंत्री किसान सम्मान निधि योजना अंतर्गत 20वीं किश्त के राशि किसान मन के खाता म अंतरित करे हे, ये मां जिला के 91 हजार 752 पात्र किसान मन के खाता म 18 करोड़ रूपिया ले जादा के राशि अंतरित होए हे।