प्रधानमंत्री श्री नरेन्द्र मोदी ह रेलवे के काम मन के करिन वर्चुअल उद्घाटन अउ शिलान्यास

रायपुर, 26 फरवरी 2024। प्रधानमंत्री श्री नरेंद्र मोदी ह आज अमृत भारत स्टेशन योजना के तहत देश के 554 रेलवे स्टेशन मन के पुनर्विकास काम मन अउ 1500 फ्लाइओवर अऊ अंडर पास निर्माण काम मन के उद्घाटन अउ शिलान्यास वीडियों कॉन्फ्रेंसिंग के माध्यम ले करिन। एमां 2700 करोड़ रू. के लागत ले छत्तीसगढ़ के 21 रेलवे स्टेशन मन के पुनर्विकास अऊ 83 रोड ओवर ब्रिज अउ अंडर ब्रिज के निर्माण घलोक सामिल हे। ए बेरा म रायपुर रेलवे स्टेशन म आयोजित कार्यक्रम म राज्यपाल श्री विश्वभूषण हरिचंदन अऊ उप मुख्यमंत्री श्री विजय शर्मा, सांसद रायपुर श्री सुनील सोनी उपस्थित रहिन।
ए बेरा म राज्यपाल श्री हरिचंदन अपन उद्बोधन म कहिन कि प्रधानमंत्री श्री नरेन्द्र मोदी के अगुवइ म देश बदलाव के नवा इबारत लिखत हे अऊ भारतीय रेलवे घलोक अपन कायाकल्प के स्वर्णिम दौर ले गुजरत हे। बीते बछर म इन्फ्रास्ट्रक्चर निर्माण म देहे गे विशेष जोर के कारण ही आज भारत दुनिया के सबले तेजी ले बढ़त रेल नेटवर्क प्रणाली हे।