रायपुर, विधानसभा अध्यक्ष डॉ. रमन सिंह अऊ मुख्यमंत्री श्री विष्णु देव साय के अध्यक्षता म काली विधानसभा परिसर स्थित मुख्य समिति कक्ष म प्रधानमंत्री श्री नरेन्द्र मोदी के छत्तीसगढ़ आगमन के तियारी मन ल लेके महत्वपूर्ण बैठक आयोजित होइस।
बैठक म उप मुख्यमंत्री श्री अरुण साव, उप मुख्यमंत्री श्री विजय शर्मा, वनमंत्री अऊ संसदीय कार्यमंत्री श्री केदार कश्यप, वित्त मंत्री श्री ओ.पी. चौधरी, विधायक श्री अजय चंद्राकर, विधायक श्री प्रबोध मिंज, विधायक श्रीमती भावना बोहरा, विधायक श्री अनुज शर्मा, मुख्य सचिव श्री अमिताभ जैन, विधानसभा सचिव श्री दिनेश शर्मा, पुलिस महानिदेशक श्री अरुण देव गौतम, मुख्यमंत्री के प्रमुख सचिव श्री सुबोध कुमार सिंह अऊ आन वरिष्ठ अधिकारी उपस्थित रहिन।
मुख्यमंत्री श्री साय ह प्रधानमंत्री श्री नरेन्द्र मोदी के प्रस्तावित छत्तीसगढ़ प्रवास के तियारी के परखर जायजा लीन। उमन अधिकारी मन ल सबो जरूरी तियारी ल समयबद्ध तरीका ले अऊ सुव्यवस्थित ढंग ले ठउका करे के निर्देश दीन।
जानबा हे के प्रधानमंत्री श्री नरेन्द्र मोदी छत्तीसगढ़ राज्य के रजत जयंती साल म आयोजित राज्योत्सव समारोह म सामिल होहीं। ए अवसर म ओ मन छत्तीसगढ़ विधानसभा के नवा भवन, छत्तीसगढ़ आदिवासी संग्रहालय के लोकार्पण करहीं अऊ राज्योत्सव के शुभारंभ करहीं।
प्रधानमंत्री श्री नरेन्द्र मोदी के छत्तीसगढ़ आगमन के तियारी ल लेके होइस काली उच्च स्तरीय बैठक
